Фольклор удэгейцев: Ниманку, тэлунгу, ехэ. - 1998. (Т. 18.)

17 Бэлиэ Биала тэумэни диоисиэни. Нуани миавани лиаси угисини, йэгдигЭвэ айауани. Нуани тэтуэни Мэйэхиду онюнтума тэгэвэ, мэнэ ңалази оми, дигаңкини: — Ңэнэмиэ, биасава б'азаиэ, вэвэ вэлизэи, утадиғи сул'аи хокто- вани 6 ‘азаи. Ути хокто киалани илизэи, аласиа сул'аизига ңэнэивэти. Чö амиали омо сул'аи, закпу игизи бизэ. Утава мутэзэи си, мэнэ куизи, мэ­ нэ мэйэзи. Утала си иназаңаи инэңи тиг'ани, ути экили сул‘аизиға ути буали ңэнэити, кукпили — си кэсии. 18 Мэйэхи суалаи тәтиғиә, дуктэмэлиэни, има хуңтар эдимуктэни! На­ да вэвэ вэлиэни, нада биасава ңэнэни, 6 ‘ани сул'аи хоктовани. Инэңи тиг'ани иңкини, кукпиэни. Хокто киалани илиэни: мб багдиани-бэдэ — эими уги, кичом илисини. 19 ЙэгдигЭ исэисини, сул'аи омосЬ игизи тукиа гунэ. Нуамани исэнзи, хуэнэлиэни: Йэу мб тэхэни бйни бу хоктолау, коң-коң?! Онобуи-онобуи буава хулими, эсэи исэ, коң-коң! Ңич'а биЭсава хулими, коң-коң, Сагди би'асава хулими, коң-коң, Мö тэхэвэни, буль-буль он>ова, коң-коң, Тэнэ исэми, коң-коң! Ута-бэдэ диғанами, Мэйэхи киалини иги лумбулилиэ сул'аи, омо игихи, тукиани. 20 Бими, тукиа гунэ сул'аи зÿ игихи. Мэйэхивэ исэнзи, хуэнэлиэни: Йэу мб тэхэни бйни бу хоктолау, коң-коң?! Оноби-оноби буава хулими, эсэи исэ, коң-коң! Ңич'а би'асава хулиғәи, коң-коң, Сагди би'асава хулиғәи, коң-коң, Мб тэхэвэни, буль-буль онюва, коң-коң, Тэнэ исэми, коң-коң! Ута-бэдэ диганами, Мэйэхи киалини иги лумбулилиэ сул'аи, зÿ иги­ хи, тукиани. 21 Мэйэхи ту илисини, эими уги, кичом илисини. Нуани киалини ту тукиати сул&изиға: илази игихи, дйзи игихи, туңази игихи, н>уңузи иги­ хи, надази игихи. Тукиами, ту хуэнэи. Нуани ту илисини, аласини сул&ива закпузи игихивэ. 22 Бимиэ, эмэ гунэ сул!аи закпузи игихи. Нуани тукиани экэ-э, экэ- э-дэ, мэнзи айаулами. Игини лумбу-лумбу, дэфэ-дэфэ бйни. Игини сэни ту омоти, ванимилани ту омоти. Исэни хокто киалани Мэйэхивэ, хуэ­ нэлиэни: Йэу мб тэхэни бйни бу хоктолау, коң-коң?! Оноби-оноби буава хулими, эсэи исэ, коң-коң! Ңич'а би'асава хулигэи, коң-коң, Сагди биасава хулигэи, коң-коң, Мö тэхэвэни, буль-буль онюва, коң-коң, Тэнэ исэми, коң-коң!