Фольклор удэгейцев: Ниманку, тэлунгу, ехэ. - 1998. (Т. 18.)

фази каваду. Гэулэ мамасани эмус'э багдиани бктомо кокт'оу ауцгаду. Нуани ту этэтэи: ту олоктои зэувэ нуати дигалати, ин'аи дигалани. Айаула мамасани зэувэ дигаи, мафаи н>уктэвэни игдуи. 2 Бимиэ, мамасати йатасилиати: Айаула мамасани азиғава б‘ани, Гэ­ улэ мамасани батава бйни. Азиғава гэгбиңиэти Гиаңдуса, батава гэг- биңиэти Мэйэхи. Гэулэ мамасани зуңэти ситэвэ хабаи дигаваңкини. Айаула мамасани эсини косЬвана, элэми коңо. Ситэнэти йэуити. Антама ситэни соңонЬу, гиаңд'ау бисини. Батама ситэни, багдигйси, сэуни ту- гэзи йэуэни, гагда нэңини таданаин гэлэлиэни, чинд'ава валиани. Бата Мэйэхи йэзи-дэ эсини ңэлэкчэ, ту тукиаси буафа, тадази олохива ваи, эними бэлэсилиэни. 3 Омуда-гда, гусими, Мэйэхи Гиаңдусава соңоливаңкини. Нуани аминтиғи тукиаңиани, тэлуңусиэни, соңоми-дэ. Канда мафа Айаула ма­ масази тукиати Гэулэтиги. Мафани коңкоси, Айаула коңкоси. Канда ма­ фа коңкосими вадими, кулига-бэдэ (...) ййвани чоптолиани: — Эи, Й&ЗИ исэсимуи, чаихи атаи исэ! Улитиғи вэнтэни ййвани. Гэулэ бали одони. Мэйэхи эними игиси- лиэни, чинд'ава ваи, олохива ваи — силоси, ута-бэдэ багдилиати. 4 Эмэни Гуаңдуса, исэнэни оно-до багдивати. — Исэнэи, йэу, лалими, будэмэу? — Мэйэхи дигаңкини, игбәғиәни. Нуани соңоми ңэниэни. 5 Мэйэхи буаихи ңэн'эси, дилилэи мбзи пактанани, чинд'атиги гуаи- лиңиани. Диэлиэни амими каватиғини, саңн>а музэлэни дбни, диоиси- лиэни йэвэ-дэ диғанаивати. Гиаңдуса соңоми эмэгиэни, тэлуңусилиэни Мэйэхи игбэгиэмэни. Канда мафа тагдани. — Маңга нй бими, эниңэи ййвани йэми эини газиги?! Наму та- гиазалани зÿ азиға ути ЙЙ3И гусити, 30ЛО ондилани. Нуани б'агисини, утадиғима маңга нй гунэзэңэи. 6 Догдиани абуи диғанаивани, мэнэ бктомо коктЪу ауңгатиги диэ- лиғиәни. Батама нй осигЬси, эниңэтиги дигаңкини: — Гэ, эниңэ, талуғама утуңгиэ öзафи! Би наму тагиатиғини ңэнэзэңэи, си ййваи газими. — Амии синэвэ вакчаиниэ. Си ңичй бии, би ййла анчи бизэңэи — айа! — энини эсини чинда. 7 Мэйэхи чила гулиңкини. Талуғама утуңгиэвэ бти, Мэйэхи гу- лиңкини. Ту эйэнэни, ту эйэнэни, утуңгиэвэни таухи-эухи ули йакини вэсиэни. 8 Намува дауани, ули киани исэптэлиэни. Зÿ азигазига гусити гунэ, то хбндилини вэсинзи. Бата Мэйэхи эмэни: уÿ ЙЙ 3 Ивэсинзи гусити гунэ. — Йэу, йэу?! — хуэнэми, хаунтасиани. — Бу ңиала зÿ улигдиг'а золова б'анзифэи, гусиуэ, — азигазига дигаңкити.