Фольклор удэгейцев: Ниманку, тэлунгу, ехэ. - 1998. (Т. 18.)

2 Ңэнэлиэни йэгдигЭ. Ңэнэми, ңэнэми, ңэнэми, тукса буңиэвэни бЭни; утава завани. Чаихи ңэнэни. Ңэнэми, ңэнэми, 6 ‘ани гамафа буңиэвэни; утава-да завани. Ңэнэмиэ, ңэнэмиэ, аунтава хуайани. 3 Инэңи тигЭни пиң-пиң хоктотиги эуэни. Ути хоктоло мб нэңилэни туктиэни, туксатиғи гуаилиңи'аси. Ту тэини, ту тэини, эмэ гунэ Канда мафа, тухизи хуктулэини, накта заизини; нуати иктэзифэи киактик- киактик-киактик иктэмэсими тукиаити. 4 Канда мафа мбла исэни туксава, нагбусилиани: “Тукса-си, има-си бйни? Тукса бими — чалиғи, има бими — хуңулиги“. Ту нагбуси, ту нагбуси, чаихи ңэнэни. Йэгдиг'э ту тэини, туксатиғи гуаилиң‘аси. 5 Бисини, бисини, мамака хуктулэини гунэ. Тухивэни уңкиалаити атиғазиға, иктэзифэи чак-чак бти. Мамака мбла исэни, нагбусилиани: “Эи йэу бйни? Има бими — чалиғи эи биэ, тукса бими — хуңулиги эи биэ. Йэу бйни?“ Йэгдиг'э ту тэини. 6 Бисини-и, н>а-да гьа эмэ гунэ эмэндэ, сагди ситэни. Нуамани уңкиалаити накта нуэсэни. Нуани нивэ-дэ эими исэ, гулиңкини. Йэг­ дигЭ чаихи тэини. 7 Бимиэ, илактаңка гунэ бэлиэ Чихиа, ваними-и тухивэ уңкиалаини. Тухини донини омо нй гиамани бйни. Чихиа логзоң-логзоң тухивэ уңкиалаини, йэгдигЭвэ-дэ эсини исэ. 8 Йэгдиг'э мбдиги хэтигэңиэни, тухи амиалани ңэнэни. Утадиги тиэу$и тухивэни киаулиани. Чихиа ту татамаси, ту татамаси — тухиңи тактиак тйни. Тагдани Чихиа: — Йэу йэлэни тйни?! Тактиак — гьаңга-да эи зулэихи эи ңэнэ! Амаихи этэңиэни, йэгдигЭвэ исэни. — Йэгдиг'э, йэду эмэи?! Би абуи-дэ, энии-дэ синэвэ ваза! Нуати тэу нйвэни ваитиэ! — Э 3 Игаса, Чихиа! — дигаңкини йэгдигЭ. Тухивэни умачаугиани, гиамава вэсиэни. 9 Гулиңкити, Канда мафа, мамасани хоктони чуль-дэ. Исэти, нуати экэйэмэти аңасилафаи, а^анафи бктози бити. Йэгдиг'э Чихиази тиоңо чалани экэйэти, кокт'оу ауцгава ңаңтази бти, тбва илати. 10 Эмэндэ тукианзи-мали эмэни, бэлиэ эхини, дигаңкини: — Канда мафа мамасази гэлэити дигалафаи, гиамава хуисиэ! ЙэгдигЭвэ исэнзи, хуталиэ, сэрэ сакиази гусиэни. Тукианзи-мали. ңэниэни, мафасЭтиги, мамакатиги дигаңкини: — Чихиаду йэгдигЭ тэини. Канда мафа агдани. 11 ЙэгдигЭ, эмэндэ ңэнисини, бэлиэтиги хаунтасилиани: — Си амаина, энинэ нйвэ оно ва? Догбо ңуагиати. ЙэгдигЭ бэлиэ дилэни кэптэгиэни, гамафа буңиэвэни бэгди элэни нэдэни. 12 Догбо дулЭңкидуни Канда мафа эмэни. Чихиатиги хаунтасилиани: