Фольклор удэгейцев: Ниманку, тэлунгу, ехэ. - 1998. (Т. 18.)

— Омолотиэ, нэңути мамасани, би сагдамулиэ дигалаи, си лалава олоктойо. — ОдЬ, йэлэ 6 ‘азами би зактава, лалава олоктолами? — бэлиэ дигаңкини. — Гузэлэ, гузэлэ, лалава олоктомаи аласими, — Канда мафа ди- галами гэлэни. 20 Бэлиэ буаихи н>уэни, хокто чуль ңэнэни, соңоми. Огоу мола тЬси, йамдак ңуани. Токива исэини: аг'анати эмэти, хэбусити чагбал'а зактава, нуамани сиэулиэти: — Нэңути, тәғиә! Мафас'а аласи лалава дигалами. Сәләғиәни бэлиэ, чэзэ-дэ биэ гунэ чагбал'а закта. Утава зав'аси, Зугдитиғи ңэниэни, лалава олоктони. — ОдЬ, лалава дигайа! Киалини униңалайа — аңмаи дагаи. Канда мафа мбма униңази экэ дигани. Лала сэуни хэи бисини, ну­ ани агдани. 21 Бимиэ, бимиэ, н>а-да ньа Канда мафа бэлиэтиги дигаңкини: — Омолоти, нэңути мамасани, би сагдамулиэ, исэлэми н>эхэми си хантанаваи — гэлэйэ зималати. Саңта бими, будэзэми дас'а осиғиәни. — ОдЬ, йэлэ базами би хантанами? Анана бисэ нада аг'азига, си гэ- лэивэи-дэ йэлэ гэнэзэми? — Гузэлэ, гузэлэ, хантаи гэлэйэ! — Канда мафа хантавани гэлэини исэлэми. 22 Бэлиэ соңоми, буаихи н>уэни, хокто чуль ңэнэни. Огоу мб хэгиэлэни тэни, йамдак ңуани. Ңуами, токива исэни: аг'анати эмэти гунэ. Сэлэк- пэӈкини, исэисини, аг'анати тэмиэ биэ гунэ. — Нэңути, хэбуйэ мэнэ багдии буатиги! Канда мафа догдиани бэлиэ аг'анази эмэгивэни, сэулэзи-мэлиэ со- ктоуэти. Солилшзи-мэли саулиати. 23 АгЬнати гулиңилиэти: — НэхусЬ, бу синтиғи эи чаихи эзэңэу эмэ. Бу мамасаламу нада ваиктава. Ута-бэдэ диғанами, н>аңн>атиги диэлиэти. Бэлиэ мэнэ мафази йэг- дигЬзи наду амиасани. 32. ЙЭГДИГ'Э, ЧИХИА 1 Багдиати бэлиэ батама нэңузи. Омуда-гда эхини нэңутиги дигаңкини: — Нэңути, багдилами гагданами галактанайа. Буэни хэбулэни, йэу-дэ маңга одолисини, бэлэсилэни: омо кактк суэ, омо какт^ мбма мэлэ.