Фольклор удэгейцев: Ниманку, тэлунгу, ехэ. - 1998. (Т. 18.)

— Элэ зэгдэми! Элэ зэгдэми! Йэу нйни сиэгдэ мбзини иласи?! Ма- масати, вэсиэ йуэгдэвэ буаихи — тэуни зэгдэзэфэи! 15 Бимиэ, бимиэ, Канда мафа диғанаини сагдима ситэи мамасатиғини: — Омолотиэ, сагдима мамасани! Би сагдамулиэ дигалаи си лалава олоктомаи! Эмэндэ калава зав'аси, буаихи н>уэни. Ңиала ңэнЬси, онюктова тэ- уэни калатиғи. Тöва илани, калаи онюктози гиэ толони. Ули пок-пок хуилилиэни. Калаи тбдиги астайа, Канда мафа зулиэлэни нэдэни, дигаңкини: — ОдЬ, лалава олоктоми! Униңанзи доло униңалайа! Канда мафа доло униңалбни, аңматиги: — ХэкэзигЭиэ, хэкэзиг'эиэ! Аңмаи ту даг'аи! Йэу нйни онюктова олоктоини?! Энити, буала куңгэдэнэйэ! 16 Бимиэ, бимиэ, ша-да н>а Канда мафа диғанаини сагда ЙэгдигЭ ма- масатигини: — Омолоти, сагдима мамасани! Би сагдамулиэ — амии-дэ, энии- дэ, хантанаи-дэ бисисини, гэлэйэ. Би исэлэми нюхэми. — Йаза гэлэму! — эмэндэ буаихи тукиани. — Мамасати, сэулэзи-мэли соктоуйа — омолоти амити, эниңэнэти, хантанати зималати, биава-да сэулэзи-мэли соктоуйа! — Канда мафа дигаңкини. Эмэндэ эмэгиэни, сугбумэ тэгэзи хуңмэл'эси, эхизигэвэ газиани. Сэулэ соктоуласала чиндани, эхизигэ бигзамзиға хэтигЬсилиэти: — Куа-а! Куа-а! Куа-а! — ЭдэдэгЬиэ! Энини, буаихи вэнтинэйэ эхизигэвэ йэмэли! — хэ- утиндэни Канда мафа. 17 Багдими, багдими, Канда мафа омолотиги дигаңкини: — Омолотиэ, нэңуни мамасани, тбва иланайа, би согдиэи силоси- лэи. — ОдЬ, би-кэ мутэзэми си гэлэивэи? Би-дэ эими ей онобуи мбва молоузаңава, — дигаңкини нэңути мамасани. — Гузэлэ, гузэлэ, тбва илаузаңа, би акай силосилэи, — мафас'а дигаңкини. 18 Бэлиэ мэисими, молокчи чуль ңэнэни, мб огокту хэгиэлэни тЬси, соңоми, ңуани. Ңуами, тЬсини: аг&нати эмэти, мбва молбти, нуамани сиэугити: — Нэңути, тэгиэ — мафас'а аласи акай силосилэми! Бэлиэ сэлэгиэни, чэзэ-дэ биэ гунэ, мб молосо. Газиани мбва, тбва илани йуагда мбзини. — ОдЬ, эмэйэ, согдиэи силоусинами! Чаила тэйэ — акай дагаи! Канда мафа согдиэи силосилиани, таухи-эухи хулими-дэ. Агдани, мэйэни айа одони. 19 Бимиэ, бимиэ, Канда мафа нэңуми мамасатиғини дигаңкини: