Фольклор удэгейцев: Ниманку, тэлунгу, ехэ. - 1998. (Т. 18.)

8 Буала диоиптоливэ гунэ зÿ нинта кэйэни. Бэлиэ эсини кукпи тэгэи тэтигими — зÿ йэгдиг'э ймиэ биэ гунэ. Тэгэи эими тэтиги, аунтатиғи гуаилинани. Сагди аг'ани эмэндэ элэни тэни, нэңуни бэлиэ элэни тэни. Нэңути йэгдиг'э мэисини: “Тэгэ ту он>окту, ни-кэ астани?“ Хас'а улихи биэ гунэ. Аунтава зав'аси, кусигэзи миндэни — сакиа чим-м-м эйэливэ гунэ. Мэнэ буалани нэгиэни. 9 Гагда нэңини эмэндэ йэгдигЬзи гулинэлиэни, тэтиэни бэлиэ онюмо тэгэвэни, мэнэ сугбумэ тэгэи аст'аси, имэңиэни. Ңэнэмиэ, ңэнэмиэ, нэңути йэгдиг'э мэдэгиэни мэнэ кусигэи оңмоми. Эмэндэ диганаини: — Йаңнами мудаңи?! Хоңтова öтаиза! Нэңумэ йэгдиг'э эсини диоиси, амаихи ңэниэни кусигэи газими. 10 Октомо каватиги инами, анта кэйэвэни догдиэни. — Эи эмэндэ би тэгэвэи тэтигиэни, мэнэ сугбумэ тэгэи амиаса- ваңкини! Йэгдиг'э пилоктои иэни. Бэлиэ эсини кукпи гуаилиңикчами: омосЬ какт'а аунта одо, омосЬ какт'а бэлиэ биэ осини. Йэгдиг'э дигаңкини: — Бэлиэ, би мамасанаи биэ! Си оно эмусЬ багдизаи? Бэлиэ чалани нэхусЬ йэгдиг'элэ мафалаува. Гиэ гулинэлиэти. БЬңиэнзифэи, бэлиэ мэнэ тэгэи загиани, сугбумэ эмэндэ тэгэвэни бугиэни. 11 Канда мафа мамасамуда аласити мэнэ ситэфэи. Хоктотиги исэси- ми, мамасани исэини: — Амини, минти ситэнэфи эмэгиэ! Мамасанафаи 6 ‘аси, эмэги. — Энини, соктоуйа сэулэзи-мэли, мамасати йлэти! — Канда мафа агд'аси, хэлинэлиэни. 12 Эмэндэ пиар-пиар уцта^и сэулэ оиЬфа гиаңкини. Сэулэмэ биала тэси: — Абуду бими, энинду бими, хулисэи сэулэзи-мэли, сэулэзи-мэли тэсэи! 13 Бэлиэ, ңэнэлэми, сэулэмэ соктоува гагиани, тэлэми соктоула, сэ- улэвэ кампиани, утадигима тэни. Мафас'а, мамасамула суңэмэсиэти: — Нэңути мамасани кика бйни! 14 Бимиэ, бимиэ, Канда мафа дигаңкини сагди йэгдигЭ мамасати- гини: — Омолотиэ, сагдима мамасани, би согдиэи сиэсилэи, тбва илайа, хэкуи тбва! Тукиани эмэндэ молокчитиги мбва газими, молбни сиогдэ мбвани. Тбва лу-у-у илани, Канда мафава гэлэни: — ОдЬ, акай силосинэйэ — би тбва илами! Киала тэйэ! Канда мафа тб киалани тэни, акай силосилиэни, гиамаи кафасини. Тб лу зэгдэлиэни, сэуни маңга, мб хутактамасилиани таухи-эухи. Ма- фасй хэутисилиэни: