Фольклор удэгейцев: Ниманку, тэлунгу, ехэ. - 1998. (Т. 18.)

Бэлиэ дигаңкини: — Йэгдэ, би синэвэ уисими! 9 Йэгдиг'э мамасалани бэлиэлэ. Буивэ валасилиани. Бимиэ, йэгдигЭ дигаңкини: — Эдэ, би-дэ амихи, энихи бисэиэ. Исэнэзэфэи! Утадиғи гулиңкити. Ңэнэмиэ, ңэнэмиэ, эмэндэлэ иңкити. Эмэндэ сиңаи татамасими, ңиаихи эуэни. — Ниэ, ниэ! Хулими-дэ, богонду хулими-дэ — экуми хулизэу! Бэлиэ дигаңкини: — Нй тэлугэ! Нй тәлуғә! ЙэгдигЭ дигаңкини: — Кулиғаду, забзаду малауг'аси, оно экузэми?! — Мун>элиэ-мун>элиэ! Мафаңатугаи бисини, — эмэндэ дигаңкини. Хәиғи сукиэзини вйни. Миэлэи каи хайани, куакчиливалиэ будэни. Ю Ңэнэми, ңэнэми, мэнэ буаи бисилэни иңиани. ЙэгдигЭ бэлиэтиги дигаңкини: — Минти оло аңалазафи! Амити зугдидигини пун>аль-пун>аль саңшана гунэ. ЙэгдигЭ тадаи хэбунэ, ңэнэни. Бэлиэ дигаңкини: — Эдэ, эзи гэ н>эхэ амими, эними — мэнэ багдизаңати! 11 ЙэгдигЭ ту-ту бисини, амими зугдитигини ңэнэни. Кава хöнтигини туктиэни, саңн>а чуль исэсиэни. Амини, энини ситэфэи уцтавани олок- тоити. Дилити ту катасикту, сазаль-сазаль н>уктэфэи чофЬсити. Хуту мафа дигаңкини: — Си, мамасати, гэи, си вйи ситэфэи! Мамасани дигаңкини: — Си, мафати, гэи, си в&и ситэфэи! 12 ЙэгдигЭ исЭси оно-до багдивати, ңэниэни мамасатиги. Ту багдили- ати, йэгдигЭ ту вакчаи мамасаи дигалани. 31. НАДА ЙЭГДИГЭ 1 Нада йэгдигЭ, омосЬ азигама нэңу бисити. Аг'анати вакчанами, ху­ ли, нэңути дигалати олоктоини, н>йзи тэгэнэти, уңтанати бини. 2 Омуда-гда агЭнати эмэгиэти буа хуэндигини, мэдэвэ газиати: олохи чавани эмэини, мэнэ хоктолаи б'аи, ту дигаити. Нада йэгдигЭ мэнэ