Фольклор удэгейцев: Ниманку, тэлунгу, ехэ. - 1998. (Т. 18.)

Амаңи-ңэ, эниңи-ңэ Лумаңиэ, Кәсиғини — маңга! Хайани — маңга! Биа-биа буатиғи! 6 Килаиэңи бэйэвэ Килаиэңи бэйэвэ Баи-баи чэзэ, Баи-баи чэзэ! Элэ-элэ будэмиэ, Элэ-элэ! 30. ХУТУ МАФА 1 Хуту мафа багдиани мамасази-дэ, йэгдиг'эмэ ситэзи-дэ. Йэгдиг'э сэ­ уни вал‘а бисини; буа сугзавани, буа буивэни вкласими, багдиани. Хуту мафа ту уңкиалаи тухизи ситэи в&мани. Зуа, туэ гази бми бисини. Зали пиак-пиак улэзи, имози, сугзази залуса бисини. 2 Ту зÿми, сағалиани: — Эниниэ, эниниэ! Ситэфэи вазафаи! Богдолои лофогоизини уңкиалами, зуа-тэнэ ңалаи пукасанаизини гаундами. Багдини-гэту бу­ ивэни ту малаини. Сафани, вазафи минти ситэфэи! Энини чалани. Хуту мафа огдиэңисилиэни, ситэи вакчанами ңэнэисини. Ту бми, бти, ситэи биалани нэдэк бти. 3 Ситэни вакчами, эмэгиэни: — Ама-да, эниэ-дэ! Йэду нэдэу, сондозини! Хуту мафа дигаңкини: — Ситэми, ситэми! Анана, сикэ биңэи, маңга дэуи оси, ңуаи бисэи. Ңуами, айа-гда одой бисэ. Ңуайа, ңуайа утала! ЙэгдигЭ ңуагиани огдиэ долони. 4 Ңуамакта, Хуту мафа мамасамула кулиғава таинасати хас'а диои- хини: мойэвэ, забзава, заудава; йэу-йэу сэни кулиғавани тайати. Огдиэ долони куңгэдэк бти. Утадиги-тэнэ вэптилэгиэти, хэкэгиэк бти. Ңиаихи уңкиалати, зукэ дэгдэми, улитиғи тиауати. ЙэгдигЭ йэу-дэ эсини мэдэ. 5 Огдиэ эйэми, эмэндэ ңиалани лэңгэни. Эмэндэ уливэ газими ңиаихи эуэни. — Хуэнэмиэ, йэу-гэту буңиэфэи эйэуктэити?! Мб газини оболЬси, татамасилиани. Долони-гдэ киау-киау той, киау той диоиптоини. Эмэндэ тагаихи зукэгиэни.