Фольклор удэгейцев: Ниманку, тэлунгу, ехэ. - 1998. (Т. 18.)

3 Намула иңкинзи, даулиани. Саизи-мэли зэгдивэ зуғәмә-кә уңтази дауани. Кадази-мэли боноивэ, нада йохо хэзини аул'аси, дауани. Дау- миэ, наму багиалани иңкини. 4 ЙэгдигЭ исэсисини, омо сагдила зугди биэ гунэ. Туңи- дэ эгди. — Аиэ! Эмус'э бии-йэу? — ЭмусЬ бими, эмусЬ бими. — Ни-дэ биати бйни эи? — Эи — онгова оңкуи, эи — ин'аива далаңкуи, эи — дэумпиңкуи. — Эи буала ни-дэ туңини бйни? Чэзэ, эмус'э бии-йэу? — Чэзэ, чэзэ! Амазиға, әнизиғә туңини. Амбан'ау! Хаийа си ута­ ва, — дигаңкини кагини. ЙэгдигЭ ту хаилиани. 5 Догбо нада гайазига зугди хбндилэни доноғивә гунэ. — Кагиниэ, кагиниэ! Йэми эдэңЬсиэ?! Килаиэ, Килаиэ, йэду, йэду хайаиэ?! Кагиниэ, кагиниэ! Си-лэ, си-лэ зугди долони бимиэ, мафанами б‘аи-ну?! Бу-лэ йэлэ-дэ тонтомиэ, хулими-дэ — йэвэ-дэ эу баси! Ута-бэдэ дигаңкаси, мэнэ биалафаи дбғиәти. Мэнэ-мэнэ хулафаи Зав'аси, ңуагиати бти. Кагини мэнэ биалаи ңуанагиани. 6 Тимадила-да тәғиә, йэгдигЭ дигаңкини: — Гэ, хаталазига, ңэнэзэфэи бу буатиғиу! Хаталазиға дигаңкити: — Гэ, йэгдигЭ, йэду, йэду ниЬңкудаи?! Нйвэ ваи-бэдэ — амазиға, эниэзирэ туңивэти! — Гэ, эзиу тагда! Мэнэ буалаи ңэнигЬси, аиситамиза. Кагини дигаңкини: “Хаийау, хаийау!“ , — гуңкини. ЙэгдигЭ нада хаталава газилиани. Гази-малиэ, ңэниэни. 7 Ту ңэнимиэ, ңэнимиэ, эхити маңгалани; намува дауғити. — Килаиэ, Килаиэ! Элэ будэми, амазиға, эниэзигэ хоктолити цэнэми. Элэ будэлиэни гунэ. ЙэгдигЭ дигаңкини: — Бэлиэ , эзи будэ! Баи чаха, баи чаха — улитиғи чофок тугбони. 8 ОмосЬ иңамуктаи боктоли тугбони. Ту ңэнимиэ, ту ханталани ту будэктэти. ОмосЬ нэңути н>адиғати осиғиәни. — Килаиэ, Килаиэ! Элэ будэми! Эхэзигэ хоктолити элэ ңэнэми! — Си-лэ, си-лэ эзи будэ! Хаулиа, маиэ бииэ! Баи чаха, баи чаха — туэңкисиэни. 9 Наму пактанаилани чальта тугбони. Утадиғи-тәнә дйхи газиани, ту бсигиэни: гайа бисини — гайава, буи бисини — буивэ. Утадиги-тэнэ