Фольклор удэгейцев: Ниманку, тэлунгу, ехэ. - 1998. (Т. 18.)

— Би синзи ңэнэзэңэи. Пиоңнолилиэ-пиоңнолилиэ хэтигёсиэни то ки'афа. — Тиманаңини ңэнэзэңэфи! 4 Йэгдиг'э анданами б'ани. Чаихи гиэ ңэнэти. Ңэнэми, ңэнэми, б'ати ин'аи сагдимзивани, Гуас'а Загилавани. Йэгдиг'э хаунтасиани: — Ин'аи сагдимзити, эсэи исэ-ну би эхэвэи? — Ис'эи. Си эхэвэи ки'аса эзэни, ңасахи эзэни хуктуэти. Нуани си­ нэвэ гэл'э уисинэлэи, — дигаңкини Гуас'а Загилани. Анана минти сагдинтафаи гиэ ңэнэти мэнэ багуатиғи в'алинами — в'алими, этэти, — йэгдиг'э дигаңкини. Заги Йагини, Гуас'а Загилани пиоңнолилиэ-пиоңнолилиэ хэ- тигЭсиэти тб моголиэ-моголиэ-дэ. — Тиманаңи ңэнэзэфи ваңнами ки'аса эзэвэни, ңасахи эзэвэни, этэк озаңафи! 5 Гиаванаидуни гулиңкити илйни: йэгдиг'э, Заги Йагини, Гуас'а Загилани. Ңэнэми, ңэнэми, ььаутиги эуэти. Исэти ила бәлиәјиғә сэңкиэвэ буктасивати. Заги Йагини, Гуас'а Загилани дигэңкини моктЬи долони. Йэгдиг'э ңэнэни бэлиэзигэтиги. Нуани моктЬи чазалани аласи- лиани бэлиэзигэвэ. Эхити ңэнэми, сэңкиэвэ буктасиани. Йэгдиг'э киа- лани ңэн^си, илактаңкини. 6 — Нэңути, оно б'аи эухи ңэнэи хоктова? — хаунтасиани бэлиэ. — Минэвэ бэлэсиэти Заги Йагини, Гуас'а Загилани. Бу эмэму гиэ-дэ. Йэгдиг'э хаунтасиани: — Йэду таиу сэңкиэвэ? — Эи зу бэлиэзигэ ки'аса эзэни, ңасахи эзэни нэңути. Эинэңи си- киэ, сÿ эңигисини, сам'асизати, нагбусизати, си минэвэ галактами гу- лиңки-ну. — Эхэ, эинэңи буала ңуагиа, бэлиэзи гиэ-дэ. Нуатитиги диганайа: “Сондо, сондо, сагди самазига сам'асисиду, йнта бйни зугдиду“, — йэг- дигЭ нумнусиэни. Бэлиэзигэ сэңкиэвэ буктасиЬси, ңэниктэти. 7 Сикиэ сагди самазига сам'асилиати: олохи самани, согдугу самани. — Ңич1а сама, уңту вэ завайа, хаңасиа, тэумэни диганайа! — ки'аса эзэни вэнтилэни уңтувэ согдугу саматигини. Согдугу самани уңтувэ уину-гдэ тэвэңкини. Хаңасими, дигаңкини: — Ки'аса эзэни, би йэгдигЭвэ исэми. Нуани киала биэ. — Загиау уңтувэ согдугу самадигини! Нуани агалаини! — хэути- сиэни ки^са эзэни. 8 Ңасахи эзэни уңтувэ загиани согдугу самадигини. Гиузини уңтулэ гоңгони. Уңтувэ вэнтилэни олохи самадини. Олохи мэнэ игии игдэм осигиваңкини, йаңпаи умулэгиэни, уңтудэлиэни. Тö эгэлиэ хулими, сэңкиэвэ саңн>авани ңиэисими, олохи самани хаңасиани: