Фольклор удэгейцев: Ниманку, тэлунгу, ехэ. - 1998. (Т. 18.)

ңэнэи. Канда мафа мамасамула гэктилиэтй, каватиги томонами ңэниэти. 16 Гуас'а ути гэундити тукиалиани мэнэ буатиғи, Айаулава газина-да. Хуктуэни, хуктуэни, буа ту nby-nby одони, эди эдинэлиэни, има има- налиани. Буа ту nby-nby одони, догбо-бэдэ одони. Гуаса ту хуктуғиәни. Элэ мэнэ буалаи инаиду, буа ңэили одолиғиәни. 17 Элэ су эңигиду гуас'а эмэгиэни мэнэ каватиғи. Кичо, бэлиэ Айаула ту гиб багдилиати. Сагди одЬси, мамасалати. Кичо валЬ нй одони. Гуаса сагдаңиани, багиаду куасиг'аи тбни топти киалани, акай силосими. Йэг­ диг'э Кичо улэвэ гази, гуас'аду айавани далаусиэни. 18 Кэптэми, гуас'а дигаңкини: — Кичо, Айаула! Би элэ будэлиэми, сагдаңиами. Би будэиси, ми­ нэвэ нэдэтэузэ гугда буала. Нада нэңини бисини, исэнэгиэу, дили элэни нава улэндиэу. Б'афаи калавани, Канда мафаду, мамакаду бугиэу. Ути си той мамасаи зиэлэни бизэӈэни. Ута-бэдэ диғанами, сим-сим одони. 19 Кичо Айаулази соңоти, гуас'аңифаи нантами. Нэхусэти гуасава, дигаңкини чуль-дэ. Нада нэңини бис'эси, ңэнэти, дилини блэни нава улэндэти, утала бЬти аисива, мэңувэ. Утава нэхусэти Канда мафатиғи, мамасатиғини; мэнэ буалаи багдинағиати, гуасй нэдэфэи киалани. 28. ЙЭГДИГ'Э, ҢАСАХИ ЭJЭНИ, КИХСА ЭЗЭНИ, ОЛОХИ САМАНИ 1 Омо йэгдигб багдиани эхизи. Йэгдиг'э ту вакчаи, огбиэ имовани, киаңа имовани вйласи. Эхини-тэнэ ту би нэңу тэгэнэни, уңтанани. 2 Омуда йэгдиг'э вакчанзи эмэгисини сикиэни: саңньа-да эи саңн>ана, тö-да эи иласи — сим-сим бйни. ИәгдиғӘ зугдитиги исэнэни: эхини-дэ анчи гунэ. Лиаси хуэнэни. Буаихи н>уэни. Таухи-эухи исэкчэни. Хок- товани исэни. Сагди кийса досамани исэни. Утадиги сйни: эхимэни хук- туэти. Эхими уисинэми ңэнэлиэни. 3 Ңэнэмиэ, ңэнэмиэ, б'ани Заги Йагивани. ЬЬэңу сагдимзивани хаун­ тасилиани: — Заги Йагини, эсэи исэ-ну би эхэвэи? — Йэми атами исэ? — Ис^и. Хуктуэти си эхэвэи ки!аса эзэни, ңасахи эңэни. Нуани ту соңЬ, синэвэ гэлэми, си уисинэлэи, — Заги Йагини дигаңкини. Анана минти сагдинтафи гиэ ңэнэти мэнэ багуатиги вктинами — вктими, этэти, — йэгдигё дигаңкини. Заги Йагини дигаңкини: