Фольклор удэгейцев: Ниманку, тэлунгу, ехэ. - 1998. (Т. 18.)

— Эхэ, эзэңэи экэи, минтивэ амба дигаза, — гуаса чаихи тукиами, дигаңкини. 8 Тукиамиэ, тукиамиэ, энимэсЬ осо гунэ. Амаихи этэңисини, бэлиэ Агзэңка тухиду анчи одони. Гуас'а эсини экэи, чаихи тукиани. Бимиэ, бимиэ, буа nby-nby одоливэ гунэ. Эди эдинэлиэни, буа хэнэни одони, пЬу-пЬу-дэ догбо-бэдэ. Гуас'а эими экэи, чаихи тукиани, тухивэ бата Кичова уңкиалами. 9 Эди-дэ эдинэми вадиани, буа ңэи осиғилиәни. Гуас'а чаихи голо су- сати амба нйдигини. Гуаса батава игисилиэни, мб хэгиэлэни бктози какт'ау ауцгава они. Вакчанами хули, туксава ваи, гиусэвэ ваи; батава далаусилиани. 10 Бими, вакчами-дэ, эи вй одони. — Кичо, чаихи эзи хули ауңгадиги,минэвэ аласиа, —гуас‘а гуңкини. Ңэнэми, ңэнэми, вакчаи нй хоктовани б‘ани. Ути хокто чуль ңэнэлиэни. Вакчаи нй тухи ти'аси улэвэ тәуғ^си, уңкиалани. Гуас‘а хэн- тэмэлиэни нуантигини. Вакчаи нй нуамани алауани. Гуас‘а куи-тэи ту­ хивэ уңкиалани; эмус^э чиндани. Ту уңкиалани, ту уңкиалани. Тухи хэнтэни амиасани; ту уңкиалани. Тугэзи тукиалиани. Амаихи этэңисини, вакчаи нй-дэ эсини исэптэ. 11 Тукиаисини, тукиаисини, эди эдинэлиэни, има иманалиани, буа nby-nby одони. Гуас'а мэнэ этиги тухи улэвэни уңкиалалиани. Дигала- фаи б‘ати улэвэ. Бата Кичо сагди одони; тада^и чинд‘ава, олохива вами, тбла силосини ути улэвэ. 12 Омуда гуасй дигаңкини: — Чаихи эзи хули, минэвэ аласиа, си мамасанаи газизами. Тукиани ули ки&фа, биӀаса эзитигини. Тукиами, омо кавала иңкини. Багдиати мафасй мамасамула, антама ситэхи, гэгбини Айаула. Айаула ситэфэи буаихи-дэ эити чинда, дэгдини п'алиги элэни одо, су элэни какча. 13 Айаула буаихи ңэнэкчэлиэни: — Абу-дэ, эни-дэ, минэвэ буаихи чиндайау, сÿвэ-дэ исэкчэми. Канда мафа мамасамула антама ситэфэи улигдиға-улигдиға тэгэ- вэ, он>омалиэ сэулэмэлиэ тэгэвэ тэтуэти. Дэгдини элэни какча, ки‘аса игизини дакпиати. 14 Бэлиэ ңиаихи эуэни, ули киандуни гуаск хуливэни исэни. — Абу-дэ, эни-дэ минэвэ буаихи эити чинда — оду ңэи, саңн>амуи- да эини б&пта. Омо каваду-тэнэ, саңн>а саңани чуль ңич'а шаңн>ава исэуи. ИнЬи-да айа. 15 Гуас'а бэлиэтиги хэнтэмэлиэни. Бэлиэ дигаңкини: — Абу, эниэ! Инйива тухилэ алауғиау, минэвэ уцкиалактасилани. Канда мафа мамасамула бэлиэвэ Айаулава тухилэ тэвэңкити. Гуаек уңкиалактасилиани таухи-эухи Канда мафа кийфа, чаила ңэнэи, таула