Фольклор удэгейцев: Ниманку, тэлунгу, ехэ. - 1998. (Т. 18.)

2 Омуда-гда сагди гайа диэлиэни саңн>абуга хöндилини, игди кэйэзи хэутиндэни. Бэлиэ исэсисини саңньабуга чуль буаихи: сагди гайа диэли гунэ. Ути гайа сан>актани бэлиэ иотигини. Утадиги бэлиэ эмугдэни йэулиэни. 3 Саңтазига мэнэ доло чулиэти: — Эниниэ, минти ситэфэи эмугдэни йэуини — сондо ути. — Гэ, амити, сагди сондо. Нуамани анчи одованзафи. Йатйутит ңэнэисини, йатйувани нуанзини гиэ дагазафи. 4 Бимиэ, бэлиэ хйва тулэни, утала йухиа тйни. Дактиавани тагдиани, мэндилэи чугани — бэлиэ дактиани багдиани. Игивэни тагдиани, мэн- дилэи чугани — бэлиэ игини багдиани. Дактиазини дэф-дэф бми, н>а-да н>а дэф-дэф оми, ньа-да н>а дэф-дэф — уихи дэгдэлиэни. Кава саңн>ани хöндилини-и-и поңголилиэни. Аминати исэти мэнэ ситэфэи диэливэни. Бэлиэ дигаңкини: —Диэлимиэ сундиги, минэвэ йат'ау долони дагакчау. Би гэи эи биэ. Дактиази дэф-дэф öмиэ, чаихи диэлиэни. 5 Диэлимиэ, диэлимиэ, нада н>эңу исэни. Алиати бэлиэвэ. — Бу синэвэ йэу-йэу буалани бйгизаңау, дигак бзаңау. Бэлиэ эктэңэзи диэлиэни. Нада н>эңу амиасати. 6 Эуи ей адима-да диэлиэмэни. Исэни, ули киадини кава бисини. Дбни саңн>ала. Исэсисини, омо йэгдиг'э биэ гунэ. Хэгэихи эугиэни, ка- ватиги иэни. Мамасалати. Батава бэлиэ б'ани. Мафани вакчанами ту ху- лини. 7 Омуда-гда мамасани дигаңкини мафатиги: — Йэгдиг'э, эинэӈи йэухи-дэ эзи ңэнэ — догбо тЬсиами, минэвэ »эңузигэ ббңкимати. Ойо нада заигдава. Таундилани нй дэгдивэни ойо, кава киалани илуйэ-дэ. ЙэгдигЭ они нада заигдава, вакчанами гулиңкини, бэлиэ диганаивани эими догди-дэ. Бэлиэ амиасани. 8 Инэңи тигйдини буала йаи багдиани гунэ. Бэлиэ кава саңани чуль исэсисини, нада ььэңу эмэти гунэ; нуамани йи шэңузигэ. Ситэи әмуғә мэңдэ-дэ саңн>абуга чуль н>укчэни — эмугэни эсини тихи. ГЬэңу хэ- гиэңэзи эмугэвэ таңдати, ситэвэни дигати. Бэлиэ саңн>а чуль н>угиэни. ЬЬэңузигэ кавадиги н>угиэти, бэлиэ хэтигэңкивэни заигдатиги исэти. НЬэңузигэ кихилиэти. Омо заигдава тугботи. Бэлиэ гагда заигдатиги хэ- тигэңкини. Ту кихи, ту тугбули бти. Бэлиэ ту чаихи хэтигЭсиэни. Вачаи осигиэни. 9 Гйи диэлиэни, исэни бэлиэвэ. Кэсивэ гэлэлиэни: — Гйиэ! Диэлиэ йэгдиг'этиги, диганайа: “Н>эңузигэ ситэвэ дигати. Эи-тэнэ минэвэ элэ дигалиати11. — Га-га-га-га! Эзэңэи диэли! Би аласими синэвэ ваивати, си ййваи чокилами. — Ата ина синду, н>эңузигэ тэумэни дигаза, — бэлиэ дигаңкини. Гйи диэлигиэни элэтиги.