Фольклор удэгейцев: Ниманку, тэлунгу, ехэ. - 1998. (Т. 18.)

— Гэ, әмәғиә, — гунэни, — киатиғи! 15 Гэ, ути газиани бэлиэвэ киатиғи. Газиа-а! Ситэни ңалани ту аули- ани. Гэ, ситэи-гдэ н>усилиэни. Йэгдиг'э дигэңкини, аңи, моңЬи, соктЬи долони. 16 Ситэи айа н>уңтЭси, туэнчилэни мамасаи ибтиғини. Туэнчилэт. Гэ, утадиғи-тәнә буа-буатигини ңэниэти. Лиаси соңоини ситэни. Гэ, ута- диғи-дә, аңи, чофЬвани ту тагдигиани, зогзовани ту тагдиғиани, тöла илат они. Тбва илй, ситэи ÿгиэ. — Гэ, мэнэ багдиа! Бими, чалами... Мэнэ диэвэсиэ! Эим чала би­ ми... Би ситэвэи йэду газиаи? — гунэни йэгдиг'э. 17 Гэ, утадиғи ситэи газина, ңэнэни мамакатиғи. Ңэниэ. Гэ, эи- тэнэ: — Мамасаина йэхэ? — мама хаунтасини. ЧугусЬвэ, Ьва газиани, чугусЬвэ: — [Асаса], мама! Си Ьи! Си дигалаи вазаңаиэ киаңава би! Си чугусЭңи этэтэни зиэлэни. — Си мамасаи йэхэ? — Йэ-э, соңоми, имэнЭ; ту дагами би, чофЬвани, дактиавани, Зогзовани. 18 Догбогилиэниэ-э. Ту Н.ЭХЭМИ, укэлэ йаи багдиани. Эмэгини. Соңомиэ, эмэгиэни. Э-э-э, ути мамака дигаңкини: — Оно багдилами н>эхэиэ? Ситэи оно игисилэми н>эхэиэ? Ситэи ла- ликчами, будэзэ. Мафахи бими, мафалайа, багдиа утази! Синэвэ гэзи-дэ эини н>эхэ-бэбу. Гэ, ути гайази, мама(са)зи, мафалағиани. Гиэ тиманаңини, мама дигалани, киаңа вйт. Ңэнилиэти. 19 — Гэ-э, ути Лэтигэ ту лагбаңка вэптитиги?! Гэ, ңэниэти: тöни-дэ эини пун>ана ути! Лэтигэ тони. Иэти. Вэп- ти(тиги) камтиам лагбаңкини. Гэ, ути эхини-дэ уливэ бугиңисилиэни. Гэ, ути иблэни ту, аңи, сатуалани улизи. Гэ, Ьини-дэ баңчалани аңилани. 20 — Э-э-э, агЬ, ами йэу диалани! — гунэини. — А-а-а! Си ңуаи-да? Йэми лагбаңкии, Лэтигэ си, вэптитиги, йэми лагбаңкиэ? — Гэ, ңуами, гунэми би-нЬ. Йэу-дэ эсини дига, йэу-дэ эсини олокто-да. 26. БЭЛИЭ 1 Канда мафа багдиани мэнэ мамасази. Антама ситэни инэңи таун- дини тби, он>ова би.