Фольклор удэгейцев: Ниманку, тэлунгу, ехэ. - 1998. (Т. 18.)

— А-ку! 5 Хини киңтили-ли тукиаңиани. Саңн>а... саңн>амува... Аңилани, тбғиани. Ути Лэтигэ-гдэ... Таңдагиани. ЧофЬвани, йэвэни, дактиавани, зогзовани ту луктағисиани, атуға долони тэуэт. Утадиғи ңэнэ... гэ, ута- диғи мамасалани агани. Ләтиғә б‘ани ‘аими мамасанани. 6 Бимиэ, бимэи, ситэнэфэи б'атп. — Гэ, Лэтигэ, би гьйва узаңаи, эи батава эзи соңована! Гэ, ути батаңини ту соңои, ту соңои. — Ләтиғә, си утава эмусии? — Эмусими-бэбу! 7 Бэкэ, бэкэ, Йэми, йэми соңоиэ?! Эхэ, гунэ, бэкэми, бэ-бэ! Бэкэ-э, бэ-э, Бэкэ-э, бэ-э! Эниңэ, гунэ, минтитиғи: нэңунэ Бобонафи öлами биниэ. — Йэвэ гэлэми, соңоиэ? Бэкэм-бэбу! , Ту СОҢОИНИ, ту СОҢОИНИ. Эниңэи дактиавани, Эниңэи чофЬвани, Гәләғими, соңои-ну, бата? Сиңмулигдэ вадиани, соңои вадиани. 8 Гэ, утадиғи энини буазаңадиги: — Йэу гуңкэи, Лэтигэ? Йэу гуңкэи? — Йэу-дэ эсэи дигана би. “Эниңэ — минтитиги: бобонафаи öлами ÿини“. — Йэвэ чэмисии? “Эними дактиавани, эними чофЬвани 6‘ағилами гэлэми, соңои?“ гунэи бэсэи! ЧофЬи, дактиаи ту чугасиани, ситэи-тэнэ уилэ, уилэ синаугиани. Диэлигиэни саңн>ама чуль-дэ, ситэи синаула. 9 Ту ңэнэмиэ, мафани-гдэ уэ, это, аңивани, киаңава вбми сини. Ма- фаи, тундэни: туи-и-и! — ңалалани, липтак залиани тундэни. — Йэвэ тигдэиниэ эи?! Заби ситәтиғи умава газизаңавани. Уихи этэңиэни. Уихи этэңисини: — Диэвэси-бэбу, әмуғә мэңдэ-дэ, би-кэ мамасаи! Чэзэ-дэ, би-кэ ма- масаи биси, би ситэи биси, эи, аңазии — чимч^вани..! — гакпани уихи.