Фольклор удэгейцев: Ниманку, тэлунгу, ехэ. - 1998. (Т. 18.)

уиндЭси, дили гиңгом одоваңкаси, тукиасини. Бэлиэ-дэ киаңази гиэ-дэ агдани. Киаңатиги “Айа багдиа!“ гунэми, бэлиэ чаихи гулиңкини. 28 Ңэнэмиэ, ңэнэмиэ, н>а-да н>а эуэни сагди би'асала. Суңта, агби би­ сини. Ули киалани тэни, гасами-дэ. Багаихи даукчами, мэисилиэни. Тэсисини, омо томиэ эйэнэ гунэ. — Нэңутиэ томиэ! Минэвэ багаихи даунайа! Би-дэ синду айа калава отомза, — бэлиэ кэсивэ гэлэлиэни. Томиэ мэнэ иблэи унаваңкини, багаихи даунйни. 29 Бэлиэ агдани. Томиэ миэвэни, дактиавани, игивэни сэсэли сэулэмэ сиэктэзи улиэни. Игини дуэлэни котофунани куасилиэ иңмэдэни, ули- тиғи чиндағиани. Томиэ ули оиЬфа тактасилиани, мэнэ хан>аи улилэ исэсими-дэ. Ули диоихини н>уханаи, ули хбнтиғини илактанаи. Ули хЬфа дактиази тактамани, дили гиңгом осиғбси, иги кичом осигЭси. Уливэ таухи-эухи экписиэни. Сÿлэ иланаини агди сауэни: хулалиғи, нюлиги, холЬ, какчампа. Тала, оло. Бэлиэ дигаңкини: — НэхусЭ томиэ, нй багди, синзи айаулаза, си сэуни улигдигй ОСИҒИ. Томиэ сэуни агдани, мэнзи лиаси айаулани! Бэлиэ чаихи гу- ЛИҢКИНИ. 30 Ңэнэмиэ, ңэнэмиэ, наму киалани эуэни. Мэисилиэни: “Оно даузаңа бйни?“ Тэсисини онј О кто иблэни, тэсисини, нй чули гунэ. Бэлиэзигэ ги- эули гунэ. Бэлиэ гэлэлиэни: — Бэлиэзигэ! Минэвэ унаванайау! — Хэлинэу. Унаиси, угэи 0 Д 030 . Йэи-йэи бми, чаихи ңэнэти. Бэлиэ эмусЭ осигиэни, гасами-дэ. 31 Н>а-да н>а нуани догдиэни: улилэ пиакчик-пиакчик оивани. Исэси- сини, омо бэлиэ гиэуда гунэ. Бэлиэ гэлэлиэни: — Бэлиэ, минэвэ унаванайа! Би-дэ эктэңэзи гиэулизэми. Бэлиэ ңиатиги агдани, унаваңкини. Мэдэвэ хаунтасилиани: — Йэухи бэлиэзигэ хэлинэити? — Эи наму киадини биэ омо кава. Утаду-тэнэ омосб йэгдиг'э ңуаини. Нуамани ни-дэ сиэукчэми эи чилаити. Ни-дэ бэлиэ сиэуги оси- ни, нуандилани мафалазаңани. Утэми бэлиэзигэ хэлинэити. Би-дэ исэнэми, хаулиа, кэси б'аи бизэ, — бэлиэ тэлуңусини. 32 Зÿ бэлиэ ту гиэулити. Исэти, наму киалани кава бйни гунэ. Агдати. Чб амиала: кава киалани агдакчини буани анчи бисини. Ту йна агдати бисини. Бэлиэзигэ каватиги иэти. Кава донини эгди бэлиэзигэ бисити. Нуати йэгдиг'э ңуаини киатигини ңэнэити, мэнэ суэфэи какт'авани аса- усити йэгдигЭ суэни кактЭтигини. Ни-дэ суэни эсини аса, тэуни ңэниэти, гасами-дэ. Бэлиэ элини иңкини. Мафаи суэвэ амиаса- ваңкимани, нуани хэбули донигини гагиа, асаусилиани йэгдигЭ суэ- тигини. Суэни лаңгак лагбаңиани, эси чамна-бэдэ. 33 ЙэгдигЭ сэлэги гунэ.