Фольклор удэгейцев: Ниманку, тэлунгу, ехэ. - 1998. (Т. 18.)

тимэ йймани чокиани, хаку! Аңасиантито ңэниэниэ. Гаи-гда, гагдуң- гагдуң-гагдуң-гагдуң, гунэ-дэ! 5 Азиғазиғатиғи ңэниэ. Азиғазиға зуңэти иниғи бй-бэбу! —Азиғазиға, габак, оно ңуау? — Айа, айа, айа! — Андаи-да в&иэ, габак, азиғазиға, габак! Би андаи н>эхэни-бэбуэ, габак! 6 Ту бисиниэ Гаи утаду. Бим, бимиэ, н>а. — Гэ, Г'аиэ, би синдилэ мафалазами? — Силиэмуимиэ, габак! Эими гэлэ, габак, нйвэ, габак! — гуңкини. — Азиғазиға, габак, мафанами, гэлэу, йэу, габак?! — Гэлэу, гэлэу! — Азиғазиға, си мафанаи, зэу биэ, маңга биэ, вал'а бйвэ гэ- нэзэңэи, — гуңкини. 7 Гэнэниэ. Э-э-э, Г'аи ңэнэни. Э-э-э, Биәунтәзиғә, нада нй, мафа хок­ товани узасити гунэ. Ңэнэниэ, ңэнэниэ Г!аи Биэулэ амиалани, Биэун- тәзиғә аңаңисити гунэ. Догбоғи сикиэ. Ңуакта гунэ Биәузиғә. Йэугдэ хэ- гиэлэни ңэнэни. 8 Биэунтэ, соломтиэ, Азиғазиға, соломтиэ, Мафанани, соломтиэ, Гэнэми, соломтиэ! Маңгази, соломтиэ, Зэузиэ, соломтиэ, Ваивэ, соломтиэ, Зэувэ, соломтиэ. Азиғазиға, соломтиэ, Мафанани, соломтиэ, Гэнэми, соломтиэ! — Ара-ра-ра-а! Йэу амбани диғана?! Сусактатиэ могзЬи-дэ. Буа хуэндини тукиаңиами-да, ту гэктими, будэктэти бти. — Биэунтэ-дэ букэ, габак! Утаду аңасиани Паи. Ңэнэниэ-э тиманаңи! 9 ГЬа-да н>а Биәунтәзиғә узасити мафа хоктовани. ЬЬа-да н>а ңэнэни Биәузиғә хоктолити. Догбоусани. Биәузиғә аңаңи гунэ. Зэ ңуакта-ма- ликта, йуэгдэ хэгиэлэни ңэнэни. 10 Биэунтэ, соломтиэ, Азиғазиға, соломтиэ, Мафанани, соломтиэ, Гэнэми, соломтиэ! Зэувэ, соломтиэ, Ваивэ, соломтиэ!