Фольклор удэгейцев: Ниманку, тэлунгу, ехэ. - 1998. (Т. 18.)

— Бэлиэнтэ! Амими, эними гэнэйэ — дигавалафаи. — Накта кЪисавани дигавалафаи-йэу? Би тинэңи сикиэни газиами, эниңэ буэмэни, — хаунтасилиани бэлиэ. — Ути-гэту амува дигати. Би накта амузини бгиэми. КЬисава тэу- мэни вэнтэйэ! Би тиманаңини накта улэвэни газизаңаи, мэнэ вйми. 15 Тимадила бэлиэ айа тэгэвэ тэтигиэни, йэу-йэу зэувэни олоктони. Абуғаи, эниңэи гэнэлэми, сэуни гб тэгэвэ тэтигиэни. Дили саза-саза таг- диани, амума тэгэи, дава сугбузини осова, тэтигиэни. — Абуга, эниңэ, эхэзигэ-дэ! Эмэйэузэ минтиги! Би Паиңи газиваңкими тукса буңиэвэни — дигаваналами. Утадиги-тэнэ, ин>эми, ин>эми, ңэниэни. 16 Ңэнэми, исэти сэуни улигдиг'а аисилакту зугдивэ, сэуни иланаива- ни. Эхинэти утава исэнзифэи, мудаңиати. Амини, энини чаихи ңэнэлиэти. Бэлиэ йэгдиг^зи аласисити-дэ, ни-дэ эи йна. — Гэ, исэнэйэ, йэми эити эмэ, — йэгдигЭ бэлиэвэ кайасилиани. Бэлиэ н>уисини: энини, амини туктигикчэми, чиласиэ-тэнэ. Хэйэти, дэгдити чагбу-чагбу одони, киэңкуи-киэңкуи тиңмэнэисити. Йэгдиг'э дигаңини: — Гэ, газиғиау! 17 — Занати йэми эсити эмэ? — йэгдиг'э хаунтасилиани. — Хагзами, сусагиати, — амини, энини дигаңкити. Утадиги саулимасилиати. Амини, энини агдати. Аңасилиат öти си- тэзифэи. 18 Догбо, ңуагисити, ситэни бэлиэ амими, эними хэигилэти лалава тэ- усиэни. Ути-гэту цуами, мэдэти. Амини дигаңини: — Энини, энини, амуктами. Энини дигаңини: — Амини, амини, би-дэ амуктами хэигитиги. Кэйэлэ анчи, зугдитиги ңэнилиэти. 19 Ңэнисити, йэгдиг'э бэлиэтиги дигаңкини: — Си йэду кэсэули амими, эними? — Би лиаси кэсэи, нуати минэвэ кэсэулиэти. Би ута-бэдэ ььэхэми — айа, — бэлиэ дигаңкини. Амини, энини зугдитиги ңэниэти, мэфэи хаинзи вйти. ЙэгдигЪ бэ- лиэзи мамасалани, айази багдилиати. 23. ГХИ БАГДИАНИ 1 Гаи ңэнэниэ, ңэнэниэ. Ңэнэмиэ, зÿ азигазигала ңэнэниэ. Зÿ азиғазиға, гагдани соңо, гагдани йэхэ öни.