Фольклор удэгейцев: Ниманку, тэлунгу, ехэ. - 1998. (Т. 18.)

öмусэзэ". Олокиана буала догдиани: нй хоконоивани. Буаихи тукиани, йэгдир'эъэ исэни. Ңалани ту сакиа бисини. Болоңдо боғолиәни: — Йэзи эндэи, йэгдиг'э? — Ситэдуи заңтанани бми, эндэми ңалаи. Бэлиэ, ситэи йэуисини, миндулэ багдинатауза, — йэгдиг'э дигаңкини, анчи-гда осигиэни. 7 Болоңдо батама ситэзи багдиани. Заңтазини вакчаминьонилиэни. Заңтазини гайава-да валиани, энини тбла дагамаини. 8 Омуда-гда ситэни хаунтасилиани: — Эниңэ, би абуи йэу нйни бйни, гэгбини йэу? — Сондо, бата, амими гэгбивэни хаунтасими, — дигаңкини энини. — Эниңэ, си гэгбии йэу? — эини вади ситэни. — Болоңдо би гэгбии, — ситэи вадилани дигаңкини. 9 Ситэни буаихи тукиани. Хэтиг^сими, эними гэгбивэни диғанами- дэ: “Болоңдо, Болоңдо!1 Хэтиг'эсими, тиңмэни, оңмони энини гэгбивэ­ ни. Ю Тукиани энинтиги, хаунтасилиани: — Эниңэ, би оңмоми си гэгбивэи! Энини онюва бмиэ, тэни. Ситэни хаунтасисини, хэңтэни бисини. Вадилани дигаңкини: — Болоңдо! Абуғава оно гэгбисини? — эсини вади ситэни. — Гйки эjэни, — дигаңкини энини. Ситэни буаихи тукиани. Хэтиг^сини, амими, эними гэгбивэни диганами-дэ: — Болоңдо, Гаки эзэни! Болоңдо, Гаки эзэни! 11 Омуда-гда Болоңдо ситэмулэ галактанами гулиңкити Гаки эзэвэни. Хазуфаи завЬси, энини — иңмэгдугуи, ситэни — заңтаи, амими бмани. Ңэнэмиэ, ңэнэмиэ, сикиэнэ иңкити омо лолочо мама бйтигини. Нуани бисини сэуни саңта, н>уктэни има-бэдэ чанини-чинини бисини. Тб ки- андини логзогби акай силосини. Болоңдо ути маматиги хэӈкисиэни, кэсивэ гэлэни. Хаунтасиани, оно-до Гаки эзэвэни бЬузаңава. 12 Ситэни буаду гусини, заңтази гакп'асини. Заңтани тиңмэисини, утаухи тукиаини. Н>а-да н>3 чаихи гакпаини. Тукиасими, тукиасими, мамака зугдивэни нодони. 13 Хоктова б^ни, ути хокто чуль ңэнэни. Ңэнэмиэ, омо зугдилэ иңкини. Ути зугди сэуни сагди бисини. Бата зугди диоихини исэкчэни. Иэни, исэисини: ути зугдиду бй, байа тэгэвэ тэтиг'эси, йэгдигЭ тӟини. Бата дигаңкини: — Би памами. Мэнэ таңтаи тиңмэни чуль тукиами, оло эмэми. — Бата, си энии гэгбини йэу? — йэгдигЭ хаунтасиани. — Болоңдо би энии гэгбини, — бата дигаңкини. — Амими гэгби­ ни — Гйки эзэни.