Фольклор удэгейцев: Ниманку, тэлунгу, ехэ. - 1998. (Т. 18.)

иңкити. Сэлэмэгэ тиңмэлэни, луфам-да. Букини утаду. Тугума айа, маңга нй ути бисини. 26 Сэлэмэгэ әнинтиғини ңэниэни. Сэлэмэгэ энимэни вбни. Амими га- лактани. Йэлэ-дэлэ токчик-токчик ö гунэ. Буаихи н>ÿэни. Омо нй дэгуму ойонини биэ гунэ. Ңалалани халуғава хэкэти гунэ. Сэлэмэгэ Зугдитиғини газиани утава. Халугава, ңалалани хэкэмэти, асуктағиани Тугума. Тугума хаунтасиани: — Си гэгбии йэу? Ни бии? — гуңкини. — Гэнтэи бйми, — гуңкини. — Би абуғуи бии! Би си ситэи бйми! — гуңкини Тугума. Сэлэмэгэ зэуиңивэни дигати. Амими падуи долони тәуғиәни. Ңэниэти мэнэ зугдитиғифәи. Эниндилэи йгиэни. 27 — Ситэми, айази хулисэи-йэу? — энини гуңкини. — Айази хулисэи. — Амими бЬгиаи-йэу? — Б'агаи, — гуңкини. Падуи долони иләмуғиәни. Мафаи б‘ағиани. Элӟ! Багдиати. 21. БОЛОҢДО 1 Багдиани омо бэлиэ, гэгбини Болоңдо. Нуани мэнэ вакчаи они. О/ьова ӧми-дэ, онобуи-онобуи онюва би, сэулэзи-мэли сиэктэзи. 2 Омуда-гда уливэ газими ңэнэни, талуғама мулэхи завЬси. Уливэ сЬломи, мулэкчэлэи исэни кэдэбули иңактава. Улигдиғ!аи бисини! Бо- ЛОҢЦО завани. Уливэ сЬлЬси, кэдэбули иңактава аңматиги зав'аси, Залимани. Каватпт әмәғбси, кэдэбули иңактава иңмэгдурулш нәғиәни. 3 Бими, Болоцдо эмугдэни сагди одолиэни. Нуани хуэнэни. Бимиэ, бэлиэ зукэ хулилиэни. Мбва молокчами маңга осини. Мэисилиэни. Бу­ аихи иьуэни: хаусилиэ, мбва ни-кэ молони гунэ. 4 Бимиэ, йатйуттп элини иңкини. Хокто чуль ңэнэни йат'аунами оңнами. Инаисини, йат^у осо бй гунэ. Мбва-да кулэзи молоти. Болоңдо мэисиэни, чуль бисини. Йат&утиги ңэн'эси, батама ситэвэ 6 ‘ани. 5 Йат^у амиалани каватиғи блини иңкини. Нуани мэисини: “Мафахи би-дэ биси, әмуғәвә бмуса“. Каваи диоихини йгиэ, утала-ту исэни әмуғәвә бти гунэ. Әмуғәлә ситэи ÿгиэни. 6 Бимиэ, ситэни сагди одони, мэнэ тукиасини. Болоңдо “Ситэи суа- ланн оузаңа, — мэисими бисини. Эи амихи биси-дэ, зацтанани