Фольклор удэгейцев: Ниманку, тэлунгу, ехэ. - 1998. (Т. 18.)

— Этэ-тэ, ңичалава! — гуңкини. — Си ңиңтивэ гйгиэ, сагди осиғиләни. 1 7 Ңиңтивэ гиғиәни. Ситэни тэтигиэни. Гулинэини. Энини исэнэни си­ тэи гулинэивэни. Исэнэнзи, энини дигаңкини: — Амии бисини, синдиғи маңгадима бисэ. Ситэни дигаңкини: — Гэ бими-дэ, ңэнэзэңэи абуғутиғи. Гулиңкини. Ңэнэни. 18 Ңэнэми, ңэнэми-дэ, хоктова б'ани. Гиаңа ваними, уңтани сагди би­ сини. Ңичй уңтази абули-абули хэңисиэти, аламасикчати. Ути амими хоктовани исэни. Ути, гиаңа ваними, уңтани сагди — Сэлэмэгэ хоктони гунэ. Тугума аламасиани Сэлэмэгэ хоктовани. Луэмэ-луэмэ-дэ алама- сиани. Ңэнэни. Ту ңэнэни. 19 Омо зугдилэ иңкини. Омо мам&са бисини. Зугдитиғи йсини, мам'аса дигаңкини: — Тугума, йэухи ңэнэи? — Си ситәтиғи эмэми, — гуңкини. — Би абугувэи эу сй-йэу? — Эу сй, — гуңкини. 20 Сэлэмэгэ энини сэлэвэ угдиэни. Хутаңаңа угдиэни. — Ма, Тугума, би ситэи хэкусуңкузини хэкусизэ! Буэни. Тугума кэфугэни: кэф-кэф-кэф кэфугэни. Сэлэмэгэ энини дэгдивэни пиэни — бокчили-гдэ, бокчили-гдэ зэгдэни. 21 Сикиэ-дэ Сэлэмэгэ әмәғиәни. Зÿ мафава вйни. ОмосЬмо уму- дәғиәни, омосЬмо йондЬси, газиани. Тугуматиги мафаңи вэндэни. Ту­ гума уину-пэи-дэ тэвэңкини. Сэлэмэгэтиги тэм-тулу бйлэи ВӘНДӘҒИӘНИ. Сэлэмэгэ хэгиэлэ пиакчик тугбони. Мафаңи тугбони. Тугуматиғи вэн- дәғиәни. Тэм-тулу-дэ бйлэи тэвэңкини, уини-пэи тэвэңкини. 22 Сэлэмэгэ дигаңкини: — Омото сйзэфи. Дабдумасизафи. Тугума саңму сиэни, н>йвани асуктани. Сэлэмэгэ-тэнэ тэнэ гьйвани асуктани. Тугума олонтиэни, йохои толони. Тэнэ онтилиэни Сэлэмэгэ. Зэкпини. Вадиани. Сэлэмэгэ гö бис'эси, вадиани. 23 Догбогиэни. Ңуагиати. Сэлэмэгэ ңуаг'аси, мэисиэни: “Ава-ка гу- сиңкутиги хэбуму-кэ — айа бизэ“, — мэисиэни. 24 Тимадула тәғиәти, зэуивэ зэкпити. Зэми вадиэ, тәтиғисилиәти. Сэ­ лэмэгэ дигаңкини: — Минти гусиңкутиги ңэнэзэфи. Ңэнэлиэти. Ңэнэми, ңэнэми, Сэлэмэгэ дигаңкини: — Си маңга бими — атаи будэ, гэ бими — будэзэи, — гуңкини. 25 Ңэнэти. Хогдо зиэлэни иңкити. Тугума залиази уңтаи хэвэни мо- дор-модор они. Тэңтэңкити. Хогдо зиэвэни тэңтэңкити. Тукиати, гидала иңкити, дуэлэни. Тэңтэңкити. Сэлэмэгэ бэгдини сакиалиғ-да эйэлиэни. Тугума бэгдини айа, сакиа эи-дэ эйэ. Тэңтэнэми-дэ, афили дуэлэни