Фольклор удэгейцев: Ниманку, тэлунгу, ехэ. - 1998. (Т. 18.)

9 Сэлэмэгэ зэулидини, тэнэ йохои толони ГэнтЭи. Сэлэмэгэ зэптэми вадиани. Гэнт'эи тэнэ олоктоини. Сэлэмэгэ зэптэми вадисини, йохои аг- буани. Гэнт'эи зэулиэни. Сэлэмэгэ зэптэми вадисини, го бисЭси, Гэнт'эи Зэулиэни. Омо догбони каи-да зэкчэни. Гагдани анана вадиани. Гэнт'эи вадиани. Ңуагиати. ю Тимадула тәғиәти. Сэлэмэгэ дигаңкини ГәнтӘитиғи: — Гэнт'эи, оно ньэхэму асаза? Гусиңкутиги хэбукчэму-дэ — баи, дэгумуау г'аива ңэлэвэсивэнзэңэи. 11 Ңалалани халуғава хэкэти, дэгуму ойолани нэхусэти. — ГЭи зэкпунэми эмэлисини, халуғази токчик-токчик халуғасими, ңэлэвэситэизэ! 12 Утадиғи бими, бими-дэ, гö-гö бисити. Гэнт'эи мам'асаниситэнэми мафаи гэундини б'ани. Маңга батава бЭни. Бими, бими-дэ, микивэси- лиэни ГэнтЭи ситэни. Ту бими-дэ, ситэни бэгдинэми бЭни. Бими, би­ ми-дэ, сагди осини. 13 Гэнт'эи ситэни хаунтасиани э н и ң э т и р и : — Эниңэ, би абуғуи бисэ-ну, анчи-ну? Энини дигаңкини: — Бисэ, бисэ, — гуңкини. — Эниңэ, абуғу гэгбини йэу бисэ? Энини-тэнэ ту гуңкини: — СондоӀ Амии букэ-зэ! Ситэни соңолиэни. Соңоихини-дэ, энини дигаңкини: — ГэнтЭи бисэ амии гэгбини, — гуңкини. 14 Амими гэгбивэни сйни. Агдани. — Гэнт'эи, Гэнт'эи, Гэнт'эи!.. — тукиавасиани. Гэнт'эи, ГэнтЭи! — н>эң, тиңмэни ути бата. Тиңмэлэнзи, оңмони амини гэгбивэни. Әнинтиғи ңэниэни, соңолиэни: — Эниңэ, абуғу гэгбини йэу бисэ? О ң м о р и э м и . — Сондо, ситэми, сондо, сондо! Буки зиэни эини э м э р и з э ! Соңолиэни: — Амими гэгбивэни гэлэми! — ГэнтЭи бисэ, ГэнтЭи, бисэ — энини гуңкини. 15 Ту н>эхэми-дэ, сагди осини ути бата. Буа хуәнтиғини хулилиэни. — Эниңэ, абуғу хоктовани узазами, — гуңкини. — Сафани, эзи ңэнэ, — гуңкини. — Эниңэи игисизэңэи. — Ңэнэзэңэи! — гуңкини ситэни. 16 — Ңэнэзэңэ одоисини, мбва молойо. Омо нэңини надама момуғу- ңиа. Омо нэңини надама момуруңиани. — Эниңэ, уңтанаи ойо! Энини-гдэ они уңтанани. Омо гагда — омо какт'а, омо какт'а — омо гагда. Омо тиэ осини. Уңтава тэтиэни.