Фольклор удэгейцев: Ниманку, тэлунгу, ехэ. - 1998. (Т. 18.)

вэ-дэ! Вйниэ! Әуғиә. Хэгэихи әуғиәк, ййвани тагдиғиак, ниңмэлэгиэк они. 32 — Гэ, инаса, ңэньзэфи? Гэ?! — Хэдэ-дэ! Ата й? — Эзэңэни й! Бэгдивэни, йэвэни ту токто-токто вэсиэти наму тагаихи. Тау мэнэ- мэнэ вэсиэти, таухи-эухи вэсиэти. Гэ, эмэгиэни. Ңэниэтиэ-э. Газиани. 33 — НэхусЬ! Нэхус'эмуи! Сэуни эдэ-дэ! Чохиа Миату әмәғи, ваңназа! Йэду газиаи си утава? — Эхэ, вйиэ би утава, Чохиэ Миату. — Си чэмнэиэ! Си ауи синтиғи-дә маңга, эсини вй, гуму. Си вазаңаи утава?! Эзи чэмнэ, нэңути! — Эхэ, буйэ ути, аисима тифуи буйэ! Би йактагизами си эивэи чэзэ. Хаку! Ййвани, Чохиа Миату ййвани зуңэвэти йактагианиэ! Толи- нини угиғ^си гунэ, Чохиа Миату ййни! — Эдэ-дэ-иэ! Энитиэ, энитиэ, вэсиэ наму тагиатиғини! ЙэгдигЭ ңэнэми-дэ, хаку, гида дуэзини багба-багба, тэ наму таги- атигини сумнаиниэ вэсиэниэ, наму тагаихи. 34 Ту ута-бэдэ биситиэ. Инасани оно-ко осо гунэ — пй-п'а осо гунэ. Дэгдини-дэ, бокони-дэ ХОҢТО осо гунэ. — Инасаиэ, инасаиэ су гакпаини тэң иливэңкэси-дэ, токтондойо! Хуптиэни тйфа токтондойо! Бузэми би лова, синду бузэми. О 3 Итоктон­ дойо! Хуптиэни тэң токтондойо! Ута-тэтэ йңаза эвэни вэнтилэйэ наму тагиатиғини, тэ наму тагиатиғини сумундэйэ, йңазаңа эвэни! Омо коктЬвани-тэнэ мәнтиғи заваиза, зэңэзэвэни зағиа мэнэ әтиғи. 35 Хаку, тимадила зэ сÿ гакпаиндуни иливаңкини, экэ ути азиғава, хуптиэни тйфа токтондониэ. Таи вэнтэниэ йңаза коктЬвани. — Хэлэ-э-э, йэу уисиниэ минэвэ?! Анта уисиэ — эними гунзэмиэ, нинта уисиниэ — абуғаи гунзэмиэ! — Йэу-дэ йэвэни диғанаиә?! Гиаңгиэ?! Абуғаи-да биэ, эниңэи-дэ биэ, госЬи-да биэ! Йэу-гдэ, йэу нйвэни диғанаиә сиэ?! — Элэ су уисиу минэвэ! — гуңкиниэ азига. 36 В общем, выручили. Больную выкинули вместе Чохиа Миату, вэнтилэти. Ута-бэдэ багдилиатиэ. Инасаи мамасалйни, ту-ту багдилиа- ти. Тэ-дэ багдиати. Элэ тэтэниэ ути. 20. СЭЛЭМЭГЭ 1 Омо йэгдиг'э багдиани, мамйсахи-да. Мамйсани гэнзи бисини. Ту бисити.