Фольклор удэгейцев: Ниманку, тэлунгу, ехэ. - 1998. (Т. 18.)

ми, тукиани. Нй хэтэвэ нэхуи-гэту йэгдигё хэутивэни догдиати, буа-бу- атиғини тукиати, хэтэвэ хокто долони нэд'эси. 10 Йэгдиг'э мамасаи сиәтиғини хулалиғи уливэ куңгэдэни, сиэзи мон- толиэ-монтолиэ эгэлиэ бутуэни. Сиэни н>оро, сэрэ 0ЛИҒИӘНИ. Хэтэ йЯи ңиэнтилэгиэни: — Хэлэ-э! Йэу нйни минэвэ уисиғиәни?! — Би эмэми! — мамасаи ңалалаи завЬси, тукиани. 11 Тукиамиэ, сагди мамала иңкити. Утаду саулисиати, чаихи гу- лиңкити. Ңэнэмиэ, сикиэ мамакала иңкити, утаду н>аңга дэумпиг'эси, н>а-да н>Ягулиңкини. Омо биӀасала инати, мамасани мафаи зав'аси, ули- ТИҒИ ХЭТИГЭҢКИНИ. 19. ЧОХИА МИАТУ 1 Бэлиэнтэ нэңумулэ багдиатиэ-э. Ту ути багдиэ, мöва моломи-да, буала-да гусинэи. Ти омо нэңини ңиала гусинэсэни. Әмәғиәти, зугдилэ пЬу-пЬу-дэ. — Эхэ, оно йзэфиэ?! Кэту сэуниэ зугди долониэ! Кэту сэуниэ! Оно йзэфиэ? Минти аңалатк сэуниэ, пЬу-пЬу-дэ! — Нэхус'э. си нюханду йгиэ, би синэвэ каку завасиназам. — Эхэ, ңэлэкчэмиэ биэ! Си буава-да н>5ханду исэи, сувэ-дэ си нюханду исэи, чинд&ва-да, йэвэ-дэ си нюханду исэиэ. Си йгиэ, би си ака- лаи завасиназамиэ. 2 Эхини нюханду йрилиэниэ... Н>угди-гдэ, э-э-э, эхэвэниэ! Эмус'э осиғиәни. Соңониэ. Иғиәниә, соңониэ. Уихи этэңиэ — н>укиэвэ дигани, хэгэихи этэңиэ — хунэптэвэ илэниэ. Ту ута-бэдэ соңоми, багдиани, ту­ ту. Буаихи эи н>у, йэухи-дэ эи ңэнэ, ту соңои зугду донини, ути аңа донини. Уихи этэңиэ — н>укиэ[вэ] дига, хэгэихи этэңиэ — хунэптэвэ илэ. Киам ңуаниэ. 3 — Йэу? Гэ, бэнэ, тәғиә дигалами! Йэу соңоиэ си?! Дигалами тәғиә! Миагдани. О-о, согдольjэу ! Хэкуи зэувэ нэхусэти гунэ. Э-э, тэгиэ, диганиэ. ДигЬси, ңуагиани. Ока го ңуаниэ? Гб ңуаниэ. Гö-гда гö ңуам-дэ, эсини мэдэ. 4 Н>а сиэуси гунэ. — Гэ, тэгиэ, бэнэ, дигалагами! Йэу ңуаиэ си? НЬа миагдани. “Э-э, хэкуи зэувэ нэхусэти, согдоль-да!“ Дигани. Ди­ га, дига, н>5 ңуаниэ. Ока гб ңуаниэ? Гб ңуаниэ, да ңуаниэ, ту ңуаниэ. 5 Нза-н>а сиэуги. — Гэ, тэгиэ, бэнэ! Элэ, эзи ңуа! Дигалагами! Тэгиэни. Хаи хэку зэувэ нэхусэти гунэ. Дигани. Дигаси, н>а ңуагиани.