Фольклор удэгейцев: Ниманку, тэлунгу, ехэ. - 1998. (Т. 18.)

1 Какт'а Нй багдиани мафази. Кактй Нй шуктэни аисилакту. 2 Йэгдиг'э наму киатиғини ңэнэни. Наму киадини хэтэвэ б‘ани. Хэтэ дигаңкини: — Си мамасаи Какта Нй бйвэни сйми, ньуктэни аисилакту. — Би ути Какта Нйзини ута-бэдэ багдими. 3 Йэгдиг'э хэтэзи 30 МИН 3 Имамасатани. Какт'а Нй сйни йэгдиг'э мама- сатаивани. — Йэгдиг'э, эинэңи нэңинду би синэвэ саулизаңаи! ЙэгдигЭвэ соктоваңкини, мафаи какталиани, мэнтиги чугани. 4 Мафаи зогбовани зав'аси, наму киатигини ңэнэни. Хэтэвэ ңаусилиани: — Хэтэфу, хэтэфу, эмэгиэ, анд'асилафаи! —Йэми, йэми кэйэи хоңто бйни? — хэтэ дигаңкини. — Лигбава б'ами эи догбони. Утэми кэйэи хоңто одони. 5 Зэ ули донигини илактанаивани, 30 Г 603 Изогболони. Хэтэ маңга би- ми, улитиги уңкиалаи, Какт'а Нй маңга бими, нала-гда уңкиалаи. Элэ сÿ эңигизини Какт'а Нй зогбова чиндани, хэтэ ули чуль гьухаңиани. Кактй Нй мэнэ зугдитиги ңэнЭси, мэнэ мафаи кактЭвани чуль чу- гагиани. 6 Мафани сэлэгЭси, наму киатигини эуэни. Хэтэңи гэлэгиэни. Ту гэ- лэгиэни, хэтэңи эсини илактаңи. Эисини илактана, улитиги хэ- тигэцкини, йамдак-да. 7 Бимиэ, бимиэ, омо буала кэптэми, сэлэгиэни. Утадиги чаихи гу- лиңкини. Ңэнэмиэ, ңэнэмиэ, омо иңнза мама бйлэни иңкини. — Мама, би мамасаи хэтэвэ эсэи исэ-йэу? — Эи би си мамасаи сиэвэни сикиэми. Ватаңи гулиңиэни. Утадиги эими ей, — ути сагди мама дигаңкини. 8 ЙэгдигЭ чаихи гулиңкини. Ңэнэмиэ, ңэнэмиэ, омо сэуни саңта, лог- бо-логбо осигиэни мамакала иңкини. — Сагди мама, би мамасаи хэтэвэ эи сй-ну? Ути хоктолини ңэнэми. — Би ейми си мамасаи, мэндилэи эсини йңи, хокто агдандини бу- дэни. Би си зогбоваи тагуjагиами, сиэни чуль сэңкиэвэ багбандами. Инэңи дул'аңкилани си мамасаваи будэвэни нэхуити. Йэгдиг'э, си газиа хулалиги уливэ, тэти дилэ газиа. Кукпими оси, мамасаи сиэни чуль куңгэдэзэи. 9 ЙэгдигЭ сагди мама багдини диэтигини тукиани, хулалиги уливэ дгаейтиги сблони. Утадиги-тэнэ лиаси тугэзи тукиани. Хэутими, хэути-