Фольклор удэгейцев: Ниманку, тэлунгу, ехэ. - 1998. (Т. 18.)

7 Зÿ бэлиэ туктилиэти киаи огдомани, омо Сиамали бэлиэ, Гамули бэлиэ-дэ. Доиэ энини тагд'аси, диғаналиани: Доиэ, Доиэ, папанза! Гамулива вайа, папанза! Сиамалива эзи вб, папанза! Гунэиэ бэсэиэ, папанза! 8 НэЗ-да н>а эди эдинэлиэни, буа nby-nby одони. Сиамалива бэлиэ гамду-у эдимулэлиэни. 9 Гамули бэлиэ эмус'э осоғиәни. Иңгулэ туктиэни, хогдомо тиэузи ти- эудэми-дэ, тэгэни-дэ эсини эдимуктэ. 10 Доиэ энини лиаси тащани. Бэлиэ Доиэ зугдитиғини иэни, Доиэ элэни чисони. Доиэ кэптэми биэ гунэ. Кәптәидиғи кусиғәи зағиани, бэлиэ- тиғи вэнтэни. Бэлиэ баи чаха тэвэңкини. Бэлиэ Доиәтиғи кусиғәвәни вәнтиләғиәни. Доиэ баи чаха тэвэңкини, н>а-да н>а амаихи вэнти- ләғиәни. 11 Бэлиэ бЬлани чэх кусиғә туғәисини, сакиаи эйэвэңкини. Доиэ эни­ ни xacb тиғи сабдаваңкини. Бэлиэ лэли гузалиани, Доиэ соктоуни хэги- элэни паивани нэдэни. Сакиа чороти, ңэниэни амаихи. 12 Доиэ энини, бэлиэ ңэнисини, сакиавани аисилиани, соктоу хэгиэ- лэни онюмо лэли паивани б!ани. — Эи пакилаңки антава ңэнивэнэи-бэбу! Доиэ сокчоу тәғиәни, тәтиғисилиәни, тадам зағиани, гидам зағиани, гулиңкини бэлиэ хоктони чуль-дэ. 13 Бэлиэ ңэнэмиэ, ‘амума тэгэи гузасиани, онюнтума тэгэзи ңэни- лиэни. Доиэ хоктолини ӈэнэисини, бэлиэ тэгэи ту гузасиани гунэ. БЬнонзи Доиэ тадази гакпани бэлиэ зулиэлэни. Бэлиэ иңгулэ сагафу- лани, иңгулэ чаихи ңэнэни. 14 Доиэ гидаи зоңчилэни, гидани бэлиэ зулиэлэни әуниғә тиңмэни. Бэ­ лиэ ньаңга экэифинэни: — Хаку, ава эими сагафулата-ну?! Доиэ дигаңкини: — Аиэ, эзи сагафула, гидази маңга буала уйами! Доиэ бЬңкини: — Аиэ, эзи тагда, сиэвэи октосизаңаи! 15 Гö-гö намисати. Бэлиэ эсини одо: — Доиэ, си минэвэ вами н>эхэи, йэду актаси? — Хаулиэ, эзи тагда! — Доиэ дигаңкини. Бэлиэ сиэвэни Доиэ октондоғиәни залиази, адимугда модолиэ-мо- долиэ бисини, нюро, сэрэ осиғиәни. Бэлиэ мэйэни йэбэл'э одони. 16 Доиэ зугдитиғи бэлиэвэ газиани. Энини буанду-мэли аласиани. Бэ­ лиэ мафалани Доиэлэ, ута-бэдэ багдилиати. Бэлиэ этэни Доиэвэ, эди эзэвэни.