Фольклор удэгейцев: Ниманку, тэлунгу, ехэ. - 1998. (Т. 18.)

1 Омо бэлиэ багдиани. Бимиэ, бимиэ, “Сафанимиэ-э, нй Доиэ йэгдие'э гунэивэти исэнэзэми!" — мэисилиэни бэлиэ. Онобуи-онобуи тэгэвэ блиэни, сэуни паки анта бисини. Тэгэнэми сугбууи да>ози-малиэ буль- буль онюни. Улигдиг'а тэгэи тэтигиэни, он>о-мали тэгэи, он>о-мали лэли, оню-мали донд'ои, он>о-мали пумпуп. 45 иблити-тэнэ амума тэгэвэ тэ­ тигиэни. 2 Утадиги-тэнэ гулиңкини Доиэ исэнэми. Хогдомо тиэувэ тиэулэни. Ңэнэмиэ, ңэнэмиэ, омо бэлиэ бйлэни ИҢКИНИ. Занаиэ, занаиэ, папанза! Экуизэ, папанза! Би-дэ догдилаи, папанза, Мэдэвэ-гдэ, папанза, — бэлиэ экусилиэни. Доиэ гунэивэти, папанза, Исэнэми, папанза! — Аңасиза, тимана гиэ ңэнэлэфэи, — бэлиэ аңаусилиани. 3 Тиманаңи чаихи гулиңкити, гагда бэлиэ сиамали тэгэвэ тэтигиэни. Зÿ бэлиэзигэ ңэнэлиэти. Ңэнэмиэ, хаиси омо бэлиэлэ иңкити. Бэлиэ экусилиэни: Занаиэ, занаиэ, папанза! Йэухи ңэнэу, папанза? Экуйэузэ, папанза! Би-дэ мэдэвэ догдилаи, папанза. Доиэ гунэивэти, папанза, Исэнэми гунэмиэ, папанза. 4 Бэлиэду аңасилиати. Тиманаңи ила бэлиэ осЬси, чаихи гулиңки- ти. Илиати бэлиэ суамали тэгэвэ тэтигиэни. Ңэнэмиэ, ңэнэмиэ, унакта мэйэдини бэлиэзигэ исэти киаи хбндилани биэугЭ-э, киугЭ-э иланаива- ти. 5 Бэлиэзигэ инаивати Доиэ энини мэдэни. Доиэ, Доиэ, папанза! Бэлиэзигэ эмэктэ, папанза! Доиэ, Доиэ, папанза! Мэдэми-кэ бии-ну, папанза? Эим мэдэ-кэ бии-ну, папанза? Гамулива вайа, папанза! Сиамалива эзи вб, папанза! 6 Хаку-у, утадиги-тэнэ эди nby-nby сигани, лиаси эдинэлиэни! Суа­ мали бэлиэ кэмду-у эдимулэни.