Фольклор удэгейцев: Ниманку, тэлунгу, ехэ. - 1998. (Т. 18.)

— Зÿ ути буилэ биуэңэни, — Канда мафа дигаңкини. Ңэнэмиэ, мафа осини гунэ. Канда мафа дигаңкини: — Засй амба бйни, бизэ, йэу? 19 Ңэнэмиэ, кути мафа осини гунэ. Боголиэти. Йэи мöнани аңати. — Тэ-э, утала маңга амба бйни, бизэ! Атафи уза! Минтивэ-дэ ( . . . ) засй амба бими, бизэ, йэу?! 20 Киэхи “Киа-а!“ они. — Киэхи, ңэнэйэ йэгдигЭтиги! “Би ситэвэи йэлэ ваңнасаи?!“ — гу- нэйэ! Ңэнэни киэхи. — Йэгдиг'э, элэгдэ, Канда мафа ситэвэни йэлэ вйи? — гунэини. ЙэгдигЭ дигаңкини: — “Би нэңуми вйндилаи, вйми!“ Ңэнизэ-лэ Канда мафала! 21 Кор-кор-киаң ңэниэни. Канда мафа хаунтасиани: — Йэлэ вйни? Киэхи дигаңкини: — “Нэңуми вйндилаи, вйми“, гуңкэ. — “Зубэ антава йэлэ заваи?!“ — гунэйэ! 22 Киэхи-лэ, кор-кор-киаң ңэниэни. — “ЙэгдигЭ, зубэ антава йэлэ заваи?!“ — гунэини, — Канда мафа диганаини. — “Нэңуми эгэлэни омомо завами, баиталани омомо завами11, — ту гунтэизэ. 23 Киэр-киэр-куаң, ңэниэни. — “Эгэлэни омомо антава завами, баиталани омомо завами11. — “Гоывани тоийо! Йохова тоийо!“ Кэр-кэр-кэр! — “ЙэгдигЭ-лэ, йохова тоийо!“, гуңкэ. Зубэмэ йохова газиани. Канда мафа зулиэлэни нэхини, газийми. 24 ЙэгдигЭ ӈэниэни мамасала-гда. Мамасаду дигалагани огбиэвэ эгди- мэ вйни. Зуг[ди]тиги ңэниэни. Канда мафа ситэни иңивэни, миавани газийми, нэңундилэи чугагиани. Сагди йохова тогилЭси, уливэ бу- гиңиэни. Бугиндэгиэни. Баңсалани, пифандани — [нэңуни] тэгиэни. Анана бислми-бэдэ осигиэни. Гагдазини, нэңунзи мамасалаваңкини, эхинзини Эини мамасалани. Бисити. Элэ тэтэ.