Фольклор удэгейцев: Ниманку, тэлунгу, ехэ. - 1998. (Т. 18.)

— Мама, би нэңумэи, йэу-дэлэ ам б а ни миававани хуктунэсэти. Ма­ ма, си-дэ эи ей, йэу? Мама дигаңкини: — К а н д а м аф а маңга нйни ситэни, нй-мэли улэзини багдини. Мамаса дигаңкини: — Одиғи ңэнэмиэ, би-бэбуи мамаса биэ. Утала айа^и ейзаи. 5 ЙэгдигД ңэнэни. Н>а, омо мамасала ңэнэни. — Чинд‘а-да чиң оило, оно эмэи? Зэгэңии тагдами, эими, хули? Мамаса дигалағами олоктолиани. Йохони силэни, йэгдиг^э элэни, п'алиги силэкпини, мамаса элэни гиан>ан>а силэкпини. Мамаса дигаң- кини: — Эгдэңкэ, би йохо[ла]и йэми силэптэини?! Йэгдиг^э дигаңкини: — Би зул [и ]эи гэ бйни, пклиғизи силэптэинизэ. Мамаса хаунтасиани: — Йэухи хулии? — Би нэңумэи йэу-дэлэ амбани ваңнасани. Мама, си-дэ эи ей, йэу? Мамаса тэлуңусиэни: — Канда мафа маңга нйни ситэни, нй-мэли улэзини багдини. — Мама, утаухи оно ңэнэуи? Йэу-дэ йэни анчи, йэу, мама, синду? — Ситэми, мамаду йэу бизэ? Мамаду Ьи биэ, чиктэмэ нэңуни — диәтиғи н>аңга-н>аңга кэивэси. Утава-кулу хэбутэизэ. 6 Чиктэмэ Куаи вэлэни унани, Чиктэмэ Куаи[зи] ңэнэти. Сэлэмэ Куаи мбңини иеэптэлиэни. Хэгиэли ңэнэти. Чиктэмэ Куаи дигаңкини: — Ниэ, ниэ! Би дэулэи хэгиэлэни дигэнэйэ! Оно-дами-каму одои- сини, эзи бого! Амуңифи киалани зу дактиа бйсити илисини, утаду-мати ватаизэ! 7 Сэлэм Куаи иеэни: Чиктэм Куаи, лотиниэ, Чиктэм Куаи, лотиниэ, Имэхи миавава, Хйива нэхуми, лотиниэ, Эмэйэ, лотиниэ?! Сэлэм Куаи, лотиниэ, Нйвэ-лэ, лотиниэ —