Фольклор удэгейцев: Ниманку, тэлунгу, ехэ. - 1998. (Т. 18.)

— Киэхиэ, йэу гуңкэ? — гуңкини. — “Нэңуми вандилаи вйми", гуңкэ, — гуңкини. “Нэңуми вйндилаи в а м и “ , г у ң к э , — г у ң к и н и . — Киэхиэ, йохо — тою гуйэ! “Йохо буйэ!“ — гуйэ! “Тэгдэ буйэ! — гуйэ! — йохова“. 23 К и э х и н>а д и ә л и ғи ә н и й эгди гЭ ти ги : к э р -к э р -к э р ! — ЙэгдигЭ агЭ! Киа-киа! — гуңкини. “Йохова буйэ!“ , гуңкэ, — гуңкини. — Ма, йохо! — йохова буэни. — Элэ эзи эмэ! — гуңкэ. 24 Зугдилэи ңэниэни йэгдигЭ-лэ ути. Аңи, мамасала ңэниэни. — Мамаса, си ситэи анчи биси, эмусэи вй утава! — гуңкини. — Си ситэи бэлэсиэндини в‘аи утава. Сулэивэни мэнэ бэйэзи вйти öми, этэни. 25 Ситэзи, мамасази, зÿзи мамасази осигиэ-тэнэ. Ути Сэлэмэгэ ху- назизини мамасалани, мамаса ситэзини-дэ мамасалани. Зугдилэи ңэниэни. Элэ, тэтэ багдиати. 16. [ЗУ ЙЭГДИГ'Э БАГДИАНИ] 1 Зÿ йэгдиг'э багдиани. Бимиэ, бимиэ, нэңуни ңуалиани, догбо, инэңи сулу ңуани. 2 Хини гэундини сагди гайа эмэни. Зугдини музэлэни йэкчи донони. ЙэгдигЭ нэңуни, каң-каң-каң, Догбо сулу, каң-каң-каң, Имэхи миавава, Чуэтигизэми, ка-а-ка-а-ка-а! Иңивэни лоптои тацдани. 3 Хини сикиэ эмэгиэни. — НэхусЭ, синаваи занайа! Тэу-тэу бисини. Тö-да анчи гунэ. Зугдилэи йгиэни: нэңуни ңуамиэ бисини. Тöва илағиани. Сагди гайа хоктони биэ: хунэптэлэ хулисини. Нэңуи хулавани ңиэнтилэни: иңивэни лупти таңдати. Миавани-да анчи, иңини-дэ анчи. 4 Тиманаңи [айа] айактавани дигани. Гулиңкини. Сÿ эңи[ги]ни, базигЭфа ңэнэни. Ңэнэмиэ, ңэнэмиэ, гб да ңэнэни, омосЬ мамасала иӈкини. Мамаса дигаңкини: — ЧиндЭ-да чи оило зэгэңи-и! Тагдагими, эими, хули, зэгэңии?