Фольклор удэгейцев: Ниманку, тэлунгу, ехэ. - 1998. (Т. 18.)

Тэгэни бимиэ, ҢЭИ-ҢЭИ-ҢЭИ, Ту хуңнакту, ңэи-ңэи-ңэи, Суалани, богдöниэ, ңэи-ңэи-ңэи, Ту хуңнакту, ңэи-ңэи-ңэи! — Э-э-э, сумухи агЬду ÿjаиэ! Сумухи аг'авани вэнтилэни әмәндәтиғи. Йэгдиг'э чаихи гулиңкини. 5 Ңэнэмиэ, ңэнэмиэ, омо гула хэгиэлэни-гдэ аңалани. Ңуаисини, гу­ ла хоңколани йэу-дэ йэңгутэлиэни. Утадиғи йэгдиг'э тадаи загиани. — Би амими бни-дэ эи биэ, би эниңэи огбуни тада! Гэ, йэу амбани бими-дэ, будэзэңэни, збвани галактами, йзэиэ! — ута-бэдэ диганами, тадаи гакпани. Буа дакпими, куңтэ-тэ-тэ тугбони Сэлэмэ Куаи. Тадани суэни доло ңэнэни. Тугбэнзи-тэнэ, тадаи гаикчалиани. Гаикчами, мэми лукпани. Утадиги-тэнэ сулэлиэни. 6 Ту сулэисини, ту сулэисини, ОМОГЙИэмэни. — Гйиэ-э! Би абутиги сауйа, би сулэивэи! — Эзэңэи сау, гак-гак! Би си ййваи чокилами аласимиэ, гак-гак! 7 Ту сулэниэ-э-э, сулэниэ, чиндй эмэни. — Чинд5а-а! Би амитиғи сауйа, би сулэивэи! Чиндй диганаини: — Эзэңэи сау, динь-динь-динь! Би си буңиэвэи, гиамаваи токтола- ми аласимиэ, си будэивэи, динь-динь-динь! 8 Тәунтиғи кэси гэлэни. Бисиниэ-э, вали эмэни. — Коң-коң! — диғанани. — Валиэ-э! Би киалаиэ эмэйэ! — йэгдиг'э гэлэлиэни. — Би амин- тиги сауйа, “Ситэи сулэини, — гунэйэ, — амбава ванзи. Лалими, бу- дэми“. — Нй сулэини кэйэвэни дэгдэзэми-йэу, коң-коң?! Ута-бэдэ диганами, вали диэлиэни. 9 Ту диэлимиэ-э, Канда мафа хбндилани дбни. — Коң-коң! — Хаку-у! Ни ситэни вбмани дигами, агдани, валиңа бисини! — Канда мафа дигаӈкини. — Эзэңэи тэлуңусиэ нй будэини кэйэвэни, — вали дигаңкини. — Э-э, валиэ, йэвэ гунэиэ?! Эсими ей! — Канда мафа дйгаӈкини. — Ни-дэ-лэ ситэни сулэиниэ! Амбава вйси, мэми лукпани, сулэини. —Эмэйэ, вали, эмэйэ бу киалау! Валиду сэсэли октова газиваңкини, лиаси эгдивэ — зукэ дэг- дэизини. — Валиэ, тугэзи диэлиэ!