Фольклор удэгейцев: Ниманку, тэлунгу, ехэ. - 1998. (Т. 18.)

Ту мала, дэнтэниэ, Симисиэти, дэнтэниэ. Нала догбо, дэнтэниэ, Нада нэци, дэнтэниэ! Киаңа-бэдэ, — Ти малила тЗримиэ, вакчаназа. 12. 3 0Л 0М Ч 0 1 Омо йэгдиг'э ә х и н ј и багдиани. Багдими, багдими, йэгдиг'э вакчаи. 2 Ңэнэисини, сагди нй Золомчо эмэни, эхивэни хуктуэни. Эмэрисини, эхин-дэ анчи. ЙэгдирД Золомчова валами тадава дни, омо таңгу тадава дни. 3 Гагда нэңини Золомчо хоктони чуль ңэнэни. Ңэнэми, ңэнэми, Золомчо зугдивэни бДни, иэни. Эхини соңоми бисини: — Нэңутиэ, йаңнамиэ эмэи, Золомчоду узаиэ! Эхини ситэнэми бДни. Нэңуми эмэисини, ситэи уғиәни әмуғәлә. Й э г д и р Д д и г а ң к и н и : — Эхэ, ситэи чоңовани дол и з ваиралайа, соңолани. Эмэисини, диганайа: “Си ситэи сэвэи хоктовани сАлами гэлэми, соңоини, ситэи эмусиэ!" Бэлиэ НЭҢУМИ ули ДОЛОНИ ДИРЭНЭВЭҢКИНИ. 4 Золомчо әмәғиәни, топти донирини хуңтали-хуңтали хунэптэ хуи- лилиэни. Золомчо зугдитиғи иэни: — Бэлиэ, “Куа-куа“ ситэ йэми соңоини?! — Си сэвэи хоктовани сдлами гэлэми, соңоинза. Сэвэи хоктовани таусанайа! — бэлиэ дигаңкини. 5 Ситэмиэ, золомчо, йэми соңои, золомчо?! Абуи сэвэни, золомчо, Хоктовани таусанами, золомчо, Гэлэми, соңои-йэу, золомчо?! Одиғи-на ңэнэми, золомчо, Хаикта усиғавани бчауи, золомчо. Утадиғи ңэнэми, золомчо, За>у(алафу мбвани бДуй, золомчо. Утадиғима буа эгэи, золомчо, Багаихи дауми, золомчо, Анава бДзаңаи, золомчо. Хна дони укини, золомчо, Ту кулиға, золомчо.