Фольклор удэгейцев: Ниманку, тэлунгу, ехэ. - 1998. (Т. 18.)

2 Омуда-гда, йэгдиЛ әмәғисини, эхини дэлуэни: — Бата, н>аңн>атиги диэлизэфи! — Би эими кюни диэлими. Чалами, мэнэ диэлиэ, — батама нэңути дираңкини. Эхини уңту вэ завЬси, йдлиани: АгЬ биэ, дэң-дэң-дэң, Тимана ңэнэми, дэң-дэң-дэң, Нйвэ б'азаи, дэң-дэң-дэң, Уфактази аухи нйвэ, дэң-дэң-дэң. Ути нйвэ, дэң-дэң-дэң, Гэлэйэ зималань, дэң-дэң-дэң! 3 Тиманаңини, гиэ гиаванаидини вакчанами ңэнэни йэгдигЪ. Сики- энэ амаихи гулиңилиэни. Инэңи таини хулими, буи хоктовани-дэ эсини исэ. ВЭвэ чиғбноми, суалаии иңгур чиғһнони. Олокиана вЗ огдолани зу нйвэ исэни. Ути-гэтулэ элэми нагда, уилэни — суалани вэмпэни хэгдэи хәгдәғәни. Суалаи вэмпэвэни аисиғими, тбңкини. Утадиғи-тәнә йэгдиг^ гэлэни зу нйвэ зималати. Нуати ту сим-сим, омосЬ кэйэвэ-дэ эсити диғана. 4 Эхини йаңалалиани. Йэу-йэу зэувэ олоктЬ! Солимиьэ имози соли- мими, дигаваңкини. Сикиэ эхини мэулиэни. Мэуми, мэуми, нэңутиги дигаңкини: — Гэ, нэхусЪти, си киалаи нй хабавани завайа! ЙэгдигЪ амиалини ңэн'эси, тиңэлэни завани: хабахи бисини! Гагда нйвэ тиңэвэни чофолони: хабахи бисйни! Зуңэти антазиға бисити. Йэг- лиғӘ омосЬла мамасалани. 5 Догбо ңуагаати. Тимадила тәғисити, йэгдигЪ, зу антазига эити тәғи гунэ. Н&тама хулава ңиэнтилэти: ни-дэ анчи бисини. Йэгдиг^-дэ анчи, ЗУ хатала-да анчи. Канда мафа сагди антама ситәтиғи тагдани: — Батама нэңувэи эуңку зомосиэти! Ута-бэдэ одолани, ту дәгбәғәи бисэи! Нуамани уисиэ! 6 Гулиңкити зу бэлиэ аг'афаи галактанами. Ңэнэмиэ, ңэнэмиэ, адиңа ңэнэми-дэ, эсити сА. ВЭ гулалани иңкити. Ути гулала вэ саңани бйни. Киала эмэти, эуңкузитэ сиғбси гунэ: “Очиэ чихи сиу! Очиэ чихи сиу!“ Бәлиәзиғә исэсити: ути гула агдалани агЬти бйни. Тэгэии гумда-гумда эдимуктэни. Эуңкузигэ диғанаити: — Бэлиэзигэ-э! Атау ина! Очиэ чихи сиу-у! 7 Нэңути дигаңини: — Эхэ, дэлуйэ агДва уисилэми! Эхини эдивэ гэлэлиэни, агдива гэлэлиэни. Диғанами вадисини, жаңга эди эдинэлиэни. Токиэ н>аңга бисини. Бими, эди эдинэми вадиа, ньаңга гула киавани коктолиани. — Гэ, нэңути, эсими мутэ! Гэ, си уисиа аг&и! — эхини дигаңкини. 8 Нэңути эдивэ, агдива гэлэлиэни. Диғанами вадисини, эди, эди маңгани эдинэлиэни. Пйли-пкпи токиэ эмэлиэни, агди агдиғ&сиани.