Фольклор удэгейцев: Ниманку, тэлунгу, ехэ. - 1998. (Т. 18.)

3 Луги бэлиэ йэгдигЭтиги гулиңкини. Нуантиғи-тәнә хэкуи маңга эмэини. ЙэгдигЭ тадаи зЗғиани, огбиэ гиамазини осова, гакпани Луги бэлиэтига, миавани т'афа туғәни. Тадани омо хунэптэ осиғиәни. ЬЬа-да н>3, гаңа сэлэмэ тадауи гакпани. Луги бэлиэ миавани тЗфа туғәни. Сэ- лэмэ тадани унэни. 4 Луги бэлиэ йэгдигЭвэ Зни, йэгдигЭ сусалиани. Ту-ту сусани, ту-ту сусани, ади сусами-дэ эини сЗ. Тукиами, исэни, кава биэ гунэ. Утаду бэлиэ багдиани. — Бэлиэ, таусаңиа! Минэвэ Луги бэлиэ Зини, — йэгдигЭ хэлинэни. Нуани тугэзи таусаңиани, зуңэ сусалиати. 5 Тукиами, тукиами, бэлиэ дэуэни, амиасалиани. ЙэгдигЭ бэлэсили- эни элэни амиаса. — ЙэгдигЭ, эмусЭ сусайа, би элэ эими мутэ. Луги бэлиэвэ н»аңга завасизами, — бэлиэ дигаңкини. Ңэнэми, хокто агдандини тузама нйвэ бЭзаи. Ути нйду тэлуңусиэ. Ңэнэми, хокто агдандини сэуни сагди сэлэмэ нйвэ б^заи. Ути нйду тэлуңусиэ, Луги бэлиэ синэвэ Зини. Чаихи ңэнэмиэ, бэлиэвэ бЬзаи. Нуани, чаихи оно-до йазаңаи, дигаңиза. 6 Бэлиэ АәгдиғӘтиғи диғанами вади бни, Луги бэлиэ илактаңкини. Тукиани, хутакта-хутакта то эдимуктэни. Нуани амиалани ту зэгдэини. — Тугэзи сусайа, йэгдигЭ! Би нуамани камализаңаи, — бэлиэ ди- гаңкини. 7 ЙэгдигЭ сусалиани. Ту тукиани, ту тукиани. Тукиами, бЭни сэуни сагди тузама нйвэ. ЙэгдигЭ уихи исэсиэни: ути нйтиги нуани чиндЭ-бэдэ ңичсМ бисини, ути нй киадини. — Тузама ниэ, бэлэсиэ! Минэвэ Зини Луги бэлиэ. 8 ИәгдиғӘ ута-бэдэ диғанаи вадиазини, Луги бэлиэ илактаңкини. Н>уктэни сэзэль-сэззль, ңиЭдигини, йЗдигини хутакта-хутакта то эди- нэктэини. Луги бэлиэ хуталиғи бйни. Нуани лиаси тукиаини. Тузама нй Луги бэлиэ хоктовани ликпиэни, йэгдиг'э чаихи тукиани. Гб-да эсини ликписэ. Тузама нй унэни, ути нйдиги омо кагда-бэдэ осигиэни. 9 ЙэгдигЭ ту тукиани, ту тукиани. Тукиами, бЭни сэуни сагди сэлэмэ нйвэ. Тузама нйдиги сагди бисини. Ути сэлэмэ нй киадини йэгдигЭ си- биби бэйэни-бэдэ бисини. — Сэлэмэ нй, бэлэсиэ! Минэвэ Зини Луги бэлиэ, — йэгдигЭ кэси гэлэлиэни. 10 Диғанами вадизини, Луги бэлиэ илактаңкини. Сэлэмэ нй Луги бэ­ лиэ хоктовани ликпиэни. ЙэгдигЭ чаихи тукиани. Ути-дэ эсини экэи- вэнэ. Сэлэмэ нй унэни, ути нйдиги кагда-бэдэ осиғиәни. 11 Тукиани чаихи мэнэ мутэитигиэ. Тукиами, исэни кавава, утаду бэ­ лиэ багдиани. — Бэлиэ, минэвэ Луги бэлиэ Зини, — йэгдигЭдигаңкини. — Сусазафи! — ЙэгдигЭ, би Луги бэлиэвэ асализами. Маңга бизэңэвэни-дэ сЗми, вЭли маңга одоза, — бэлиэ дигаңкини. Умуи умулэгиэ, тэгэк тэтигиэ бни.