Фольклор удэгейцев: Ниманку, тэлунгу, ехэ. - 1998. (Т. 18.)

9. КЭКУ 1 Киалунзиға — йэгдигэнэниэ. Киалунзиға мамасамула ту багдимиэ, батаңити нй-мацгасу. Гэ, ту ута-бэдэ бимиэ-дэ, амини пэгэсиэни. Эбэ пэгэсими: элэ, азиға сбни-дэ элэ одони-бэбидэ. Гэнэгиузэңэ осини. — Гэ, бата, си мамасациатиги элэ одони. Гэнэгиэ Бики Злэни, нада вб чалани. Ңэнэйэ, гәнәғиә! Би синэвэ хокто агдантиғиә нэхузэңэи, ута- диғи си мэнэ ңэнэтэизэ. Мэнэ вэлитэизэ Бики әтиғини. Гәнәғиә азиғава! 2 Йаза-дэ? Синава синауатиэ, батацифаи синава синауатиэ. Синауак, амини нэхусэниэ. Тэ-э, вЗ чатиғини нэхусэни. — Гэ, айа ңэнэйэ! Тоӈдози ңэнэйэ! Эзи, эзи памаваси, тоңдози ңэнэйэ! Алигдала, эмугдэду биңэни, загдати. Эи, обо-до бими, сагди одони, ЗЯ туңа, зЯ н>уңу сӟ одони. — Гәнәғиә! Ута[ва ] гәнәғиәти. 3 Ңэнэниэ, ӈэнэниэ, памавасилиль. Памаваси, памаваси, илЯма нэңини памавасилиль. Гэ, абуғани зугдидуни ту аңиани. “Эбэ, аңалиэ!“ — батацини памавасини гунэ. Маңгасу бата, экэ-ку, Мамасаӈатиэ, экэ-ку, Гэнэгими, ңэнэини, экэ-ку. ИлЯма нэңиниэ, экэ-ку, Памавасини биэзэ, экэ-ку. Кэкумэ зукпуиэ, экэ-ку, Зукпузэмиэ, экэ-ку. Маңгасу бата, экэ-ку, ИлЯма нэңиниэ, экэ-ку Оно йэмиэ, экэ-ку, Памавасиниэ, экэ-ку? Кэкумэ зукпуиэ, экэ-ку, Зукпузэмиэ, экэ-ку. Батаңини-дэ, экэ-ку, Зукпуэни кэкувэ. < Тимадила батаңини тәғикчәниә. Илиғикчәми, тиңмэлэниэ, кэку осини. Дактиази — дэфи-гдэ, дэфи-гдэ! Уихи дэгдэни: Бики Зтиғини исэптэлиэни. Диэлиэниэ. Экэ-ку! Мамасаңати, экэ-ку, Гэнэм, ңэнэмиэ, экэ-ку, Бики бтиғиә, экэ-ку.