Фольклор удэгейцев: Ниманку, тэлунгу, ехэ. - 1998. (Т. 18.)

1 Багдиати Канда мафа мамасамула, омосЬ антама ситэзи. Бэлиэ сагди одони, алагдигЬ, паки; сньоъа бми, паки би. Талуғала, сугбулэ онюва були-були би. Гэгэнэми онюзималиэ би. 2 Канда мафа мэисилиэни, дигаңкини: — Ситэмиэ, омо ситэ бии. Бу сагдаңиу, ни-дэ мунэвэ игисизэ? Ма- фалалаи эзэңэу бÿ! — Би талуғама каванаи ойоу, чэңгэлимэвэ, минэвэ ни-дэ элэни исэ, ни-дэ элэни эмэ, — бэлиэ аминтиғи дигаңкини. 3 Канда мафа чэңгэлимэ кавава бни ситэи багдилани. Бэлиэ багди- лиани ути каваду. Бимиэ, бимиэ, эди маңгани, хэнэ маңгани одони, чэңгэлимэ кавани намутиғи эдимулэни бэлиэзи гиб-дэ. 4 Талуғама кавани таухи-эухи йакисиани. Эйэми, ули киалани лэңгэни, Биатузиға ңиалати. Бэлиэ кэси гэлэлиэни: — Биатузиға, би талугама кававаи агбуйау! Би-дэ су уңтанау, тэ- гэнэу, кЬлонау бзаңаи, дигалау олоктозаңаи. Биатузиға дигаңкити: — Эу гэлэ бу синэвэ. Бу бэлиэңиу биэ, Канда мафа ситэни. 5 Бэлиэ чаихи эйэни. Эйэмиэ, эйэмиэ, онюктоу ңиала лэңгэни. Зукэ талугама кавадиги н>уэни оььоктомо ңиала, таухи-эухи исэсими, омо На- унзакава исэни. Нуани ули ки^фа илодова л&салами, чум-чум дигаини. — Наунзака, низи багдии? — бэлиэ хаунтасилиани. — Би эмусб багдими, ни-дэ анчи би заи, — бата Наунзака дигаңкини. 6 Бэлиэ багдилиани батази. Вакчами, тадази гакпйсими ваи, ута-бэдэ багдилиати. Вакчанами ңэнэи, нинта тэгэвэни тэтиги, эмэги, анта тэ- гэвэни тэтиги бни. Наунзакава игисими, багдилиани. 7 Омуда-гда бэлиэ вакчанами ңэнэни. Ути гэундини Биатузига эмэти, хаунтасилиати: — Низи багдии, Наунзака? Ни улйни синду? — Би аг^зи багдими, — бата Наунзака дигаңкини. — Йэу, йэу агалаи, си ту эмусб багдии бэсэи! — хаунтасими эити вади Биатузига. Наунзака йэвэ-дэ эсини дигана. Биатузига тагдати, гакпЬси зсщтаванн хайати, бэлиэ бмани. Бата соңолилиэни тагданзи. 8 Бэлиэ вакчаизи эмэгиэни, Наунзака соӈоивани хаунтасиани: — Ни синэвэ соңоусаини, ни бисини оду? — Биатузига хулисэ, би заңтаваи хайати, ту сакча, би низи багди- ваи, — Наунзака тэлуңусилиэни. “Би аг^зи багдими11, — гуңкэи.