Хакасский героический эпос: Ай-Хуучин. - 1997. (Т. 16.)

Пура салып, учух сыххан, Хайзы-хайзы чирде, Ханат хаалап, чiдiбiскен, Ыраххы чахсы чирде, Ыылап-соолап, ч i дiбiскен. 1510 Пора нарчынның i з i -чолы, Ах чiп чiли, тартыл халған. Хапхан чирдең Хан Мирген Харбах ал турадыр, Тутхан чирдең Хан Мирген Тудымнап ӱзе тутхан. Иргi чылын иртiре Ирес - толғазыбысхан, Чыл наазына сығара Чиңiс полбин турадырлар. 1520 Иргi ч ы л ы ирт парыбысханда, Ирiк пирбеен Хан Мирген, Изебi чох Хан Хысты Иреп-толғабысхан. Тайлыхпас чахсы чирде Тайлығыбысхан Хан Хыс, Сӱрнӱкпес тее чирiнде Сӱрнӱгiбiскен Хан Хыс, Хан Мирген, ир чахсызы, Хан Хысха сöс сöлебiскен: 1530 “Чахсымнаң паразың ма, Чабалнаң паразың ма, Хан Хыс?“ Хан Хыс, хыс чахсызы, Хан Миргенге хынмаан: “Сiрердег чабал тöлге Чир парар чоғылбын, Нымалах* пазым чат халзын, Нымырт хараам соол халзын!“ Инет-чобадып, Хан Мирген Идек саап, кöдiр парған, 1540 Айас алтын алты пулғап, Айлан парып, тастаан, Ойлап килiп, тӱзiрiп, Орта мӱне одырған. Тiлiн сурабысхан, Тiзiн хыс турадыр Хыс Ханның: “Парзаң даа, алам, Хан Хыс, Парбазаң даа, аларохпын!“ Параға хынмаан Хан Хыс, Хан Мирген тапсабысхан: