Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Кадыг-кадыг базып Кылаштап орган иргин ийин. 125 Кире дүжүп келген иргин ийин. "Чүү болду, кулугур? Өзериңниң демдээ бе, кулугур? Өлүрүңнүң демдээ бе, кулугур?" — деп, Хаан айтыра берген орган иргин ийин. 130 Аксагалдай Сайын-Куу хавырчы оргаштың: "Эки чүме көөр чүме-дир, хаан, — деп Орган иргин ийин. — Хой назылыг, Кодан чыдынныг 135 Мээң назынымда Бир чүме болур боор ийин. Тос чылда төрүвейн барган Дошкун сарыг бе Төрүүр чеде берген чорду" — деп 140 Турган иргин ийин. "Mere болза, Бажың алыр, кулугур, Шын болган болза, Эт-биле эктиң 145 Ажыр шаңнаар, Мал-биле бажың Ажыр шаңнаар, кулугур. Бора-Хөлдүң кыдыында оъттап турар Алдан ийи 150 Адыр мыйыстыг, Үш илиг дүктүг, Үш куспак кудуруктуг, Үш кулаш кулактыг Бора-Хөл аътты 155 Барып тудуп эккел, кулугур", — деп Орган иргин ийин. Аксагалдай Сайын-Куу хавырчы Хыртың-Шокар аскырын Мунуп алгаштың, 160 Бора-Хөлдүве Хап чоруй-даа барган туруп-тур. Бора-Хөлдүң кыдыында Оъттап турар, Далай-Байбың хаанның 165 Алдан ийи Адыр мыйыстыг, Он сес азыглыг