Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Агар сандан ыяпггы Баглааш кылдыр кадааш: "Аалды аянныг өглеп хондуруңар!" — дээш, 5030 Улузун каггаш, хап чанып келгеш, Аргактыгның аскыннан, Көргектигниң хөрээннен, Далай дег арагазын чыгдырып, Таңды дег эъдин дулдуруп, быжыртып, 5035 Белеткеп турда, Көшкен улузу чедип келип-тир. Ак өөн өглээш, Малын мал чалаар черинге чалааш, Арга-чонун чыггаш, 5040 Алдан хонукта найыр эвес найырын кылып, Чыраң хонукта чыргал эвес чыргалын чыргап, Улуг найырын кылгаш, Ийи аал бооп, Малын ийи чарып, 5045 Эдин ийи чарып алгаш, Сараатай-Мөгениң чылгычызы чораан Чылгычы ашакты Оглунуң малын башкарар кижи кылдыр кылгаш Ак өгнү тиккеш: 5050 "Назының назылап, Чыргалың чыргап олур” — дээш, Олуртуп каап-тыр эвеспе оо! Ийи адалышкының сүр-күчүзү Үстүкүнүң чаңныы-даа дыгынмас, 5055 Алдыкының четкери-даа дыгынмас, Доораның доктары-даа дыгынмас, Хажыызындан хай-даа дыгынмас улус бооп, Оюн оя, чигин чире Чурттап чоруй барып-тыр оо! 5060 Ол-даа барды, Мен-даа келдим.