Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Чер алдындан кээп боор. Дээрден келирге, 4720 Сени билип алза, Чаңнык дүжүрер эвеспе. Черден келирге, Сени билир болза, Хеп-хенертен халап үер үндүрер эвеспе. 4725 Оон ыңай арга-хорга чок, Боду көңгүс күштүг мбге кижи чуве". "Ындыг-дыр" — дээш, Хан-Чеңгей үнүп чоруткаш, Өөнге келирге, 4730 Кадайы айтырып-тыр. Хан-Чеңгей олургаш, Хаанның чугаазын бирден бирээ чок Төөгүлеп берип-тир. Кадайы оргаш: 4735 "Мээң адамның назы шагда чадап каан дайзынын Аныяк кижи канчап базар кижи боор сен?" — дээш, Ынатпайн, ыглап-сыктап, Ынатпайн олуруп-тур. "Барбышаан баар, 4740 Чорбушаан чоруур кижи мен" — дээш, Хан-Шилгизин эзертенип мунгаш, Катының айбызынче Хап каап-тыр эвеспе, Тос чылдык черни 4745 Тос ай кылдыр чоруп олурда, Карак четпес чиргилчинниг Сарыг ховунуң бажындан Тевене дег кызыл доозун Дээринге шаштыккан чоруп олуруп-тур. 4750 Дуже халааш, Тос чүстүг кара дуранын ушта соп алгаш, Аяң болган ак аржыылын ушта тыртып алгаш, Арын Хирээти болган ала караан Аштай чода туткулап алгаш, 4755 Дураннап көрүп олурарга, Тайга дег сарыг аъттыг, Көгей дег сарыг эр Чүзүн-баазын чыраа саяа-биле бастырып Чоруп олуруп-тур эвеспе. 4760 Уткуй каккаш, ужуражып кээрге, Көгей дег сарыг эр тургаш "Аалың-чуртуң кайдал?