Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Кирип кээрге, 4630 Буруул баштыг кара хаан, кадын олурган. Хаанны: "Хаан, алшр!" — деп, Кадынны: "Кадын, амыр!" — дээрге, 4635 Хаан-кадын мендиниң харыызын бергеш, Өөрү олуртуп, Олбук-кудузун салдырып, Амданныг чаагай аъш-чемин салдырып: "Аал-чуртуң кайдал? 4640 Аъдың, бодуң ат-шолаң кым боор? Кайы углап, кандыг аян-чорук кылып - Чор сен, оглум?" — деп, Чөөлең-чаагай айтырып-тыр эвеспе. Эр олургаш 4645 «Чите мурнуу чүкте Элдиг-Кара хемни чурттаан, Эңгиргей, Кыңгыргайны эжелей торээн Боктуг-Кириштиң оглу Хан-Шилги аъттыг 4650 Хан-Чеңгей деп кижи мен. "Чите соңгу чүкте Хадылыг-Хелши чурттап турар, Казылганныг-Кара-Тайганы эжелей торээн, Чашка-Хаан деп кижиге 4655 Аалчы ёзу-биле Өң тала суй-белекти тут оглум" — дээш, [ачам] Ак чагаа бижээн чүве ийин» — дээш, Хойнундан ама саазын долдур бижээн чагаазын Ак аржыылындан чешкеш, 4660 Ийи холдап барып тудуп-тур эвеспе. Ак чагааны могейип кээп алгаш, Омчуп коргеш "Байырлыг белек-тир, оглум" — дээш, "Чорууң чогаан-дыр!" — дээрге, 4665 Үне халааш, Калбак кара таалыңындан Ак аадаңны алгаш, огге келгеш, Ак аадаңын часкаш, Аът бажы дег алдынны хаанга туткаш, 4670 Бөрү бажы дег мөңгүннү кадынга туткаш, Үш кулаш айыжы кадактың кырынга Ак холдуг хан сактыг кара кишти