Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Бодуң ышкаш борбак кара оол төрүп кагдым" — деп хөөреп, — 4235 "Оон ыңай чүс киш кежи-биле бөрт, Тии билдирбес хана карактыг кара торгу тон, Кара саар эдик, Кызыл дайыыза кур аргып кагдым" — дээш, Хамык чүвелерин ап берип, 4240 Хөглеп олурган даңгына-дыр эвеспе аан. Боктуг-Кириш ол чүвелерин кедип көөрге, Кап ой болган. "Оглуң кайыл? Көөр мен" — дээрге, «”Аң аңнаар, мал малдаар кижи мен" — дээш, 4245 Черле чүве амыратпас боорга, Шокар аътты туттуруп бээримге, Аңнап чой барган. Ам келир өйү чедип келген» — деп Хөөреп олуруп-тур эвеспе. 4250 Олар ол ыычап хөөрежип олурарда, Даштын ыыт эвес ыыт үнген. Дыңнаарга: "Аалчылар баглаажы турда-ла, Аъдымның баглаажында Кым, чүү аъдын баглап кагды, 4255 Чүү мындыг туразы улуг чүвел? Бээр үн!" — дээн ыыт болган. Кадайы: "Оол чедип келген-дир" — дээш, Далаш-биле үне халааш: — 4260 "Адаң чедип келгени ол-дур" — деп, Оожургадып чорда, үне халааш: "Аныяк кижи андыг дүрген болбас чоор, Бээр кир, оглум, Адаң мен шын мен. 4265 Мээң эки кадайымның төрүп кагган оглу шын сен-дир эвеспе". "Че, андыг чүве болза, Андыг-ла ыйнаан" — дээш, Ам кээп дүшкен. Ол орта адашкылар ынчап танышкан-дыр эвеспе. 4270 Ол ынчап турда, Көшкен аал чедип кээрге, Ак-Хемге хондургаш, Кара-Сал, Хола-Сал ийи ашакка Ол Сараатай-Мөгениң ийи кадайын 4275 Ол-ла оглери-биле бергеш "Силер боларга азырадыр силер, Ч