Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

4015 More аалда чок, Бо хемниң бажынче Аңнап чоруткан чүве. Ам келир өйү чедип келген" — деп-тир эвеспе. Оол тургаш 4020 "Мөгениң бодунга ужуражып көөр-дүр" — дээш, Хемни өрү хөкпеңнеди Шошкудуп чоктап каап-тыр эвеспе. Ашак: "Чүү адам дидим кулугур боор, 4025 Орта эвес кижи эвес деп бе?" — деп, Кайгап туруп каап-тыр эвеспе. Боктуг-Кириш ол хап чоктап олурарга, Сарыг-Шокар аъдының ужу-бажы көзүлбес кылдыр Эьдин-хецмезин, алгы-кежин арттынган, 4030 Хөлчүк дег ала карактыг, Когей дег эр хап олуруп-тур эвеспе. Доза хап келгеш, Ала караан аңдара-дүңдере көргүлеп, Тоор-даа арга чок, 4035 Амыр-менди-даа чок, "Аал-чуртуң кайдал? Аъдың, бодуң ады кымыл? Кайы-углап улчуп, тояап Бар чыдар чүве сен?" — деп 4040 Айтырып-тыр эвеспе. Боктуг-Кириш тургаш "Чиге барыын чүкте Элдиг-Хемни чурттаан, Эңгиргей, Кыңгыргайны эжелей төрээн, 4045 Аяң-Кула аьттыг Боктуг-Кириш деп кижи мен. "Чөөн чүкте чурттап турар. Сарыг-Шокар аъттыг, Сараатай-Моге деп кижи-биле 4050 Адаан-моорей-даа кылза, Кандыг боор?" — дээш, Бар чор мен. Сээң аал-чуртуң кайдал, Аъдың, бодуң ады кымыл? 4055 Чүү мындыг чурук-күзүрүм Халаңнадып, хоптактанып чоруур кижи сен?» — Деп-тир эвеспе. "Мен болза Узун-Кара-Хемни чурттаан, Улуг-Кара-Тайганы эжелей торээн,