Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Олары чанган. Боктуг-Кириш чиге соңгаар Хап чоруп каап-тыр. 3665 Ол каккаш, улуг тандының кырынга үне хап кээрге, Ындында улуг хем чыткан, дүже халааш, Тос чүстүг кара дуранын Ушта соп алгаш, дураннап көрүп олурарга, Ак, Кара ийи хем чыткан. 3670 Ак-Хемде аалдыва хап олурарга, Аал адаанда кезек оолдар Баг адып ойнап турган. Бир оол: "Кара-Бузур адалыг мен, 3675 Боктуг-Кириш даайлыг мен, Бора-Шээлей иелиг мен, Меңээ чедер адар, Мени удар шаагар бар эвес" — деп Адып турар бооп-тур эвеспе. 3680 "Эр-хей-дир моң, Кай, чүүже, оол?" — деп-тир. Оол тургаш "Чүү-даа дизе сеңээ хамаан бе, Сээң-биле ойнаан эвес" — дээш, 3685 Тоовас бооп-тур. Дүже халааш, чагаа бижээш: "Мону аваңга аппарып бер!" — дээш, Тутсуп берген. "Чүү адам ашак боор!" — дээш, 3690 Ушта соп алгаш, салып чой барган. Авазынга аппарып бээрге, Омчуп көргеш, алгыра каапкаш "Кайда, чүдел, оглум?" — дээш, Эдертип алгаш, салып-ла кагган-дыр. 3695 Эдертип келгеш, акызын коре соп каггаш, Мойнундан куспактап, ошкажып, чыттажып, Экини чугаалажып, каттыржып, Бакты чугаалажып, ыглажып Туруп-турлар эвеспе. 3700 Бора-Шээлей акызын оонге эккелгеш, Чиң шайын хайындырып, Амданныг чаагай аъш-чемин салып, Ашкарып-чемгерип каггаш, Кылын дожээн чадып, 3705 Бедик сыртыын салып бээрге, Айда удуур уйгузун удуп