Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Кайы хире элбегил? Мен ышкаш багай кижи 840 Бараалгап болур ирги бе, Болбас ирги бе, ирем?" — деп-тир эвеспе. Агылдыр ашак тургаш "Хаан кижи кадыг халанчыг-ла чуве болгай. Бора быдаа, божа-хойтпак-даа бар-ла ыйнаан. 845 Ындыг-даа болза, Чуве кыла албас кырган улус база-ла Аштап-суксап, элеп-туреп-ле чоруур чуве-ле болтай. Силер ышкаш аныяк улус Ажырар боор бе. 850 Кадыг, чымчак чувени Аа-чаза кылып бээр, Эдик-хевинге-даа ажырбас, Ишти-хырнынга-даа ажырбас-ла болгай. Хаан кижиге эр кижи 855 Бараалгавас боор бе, оглум? Бистиң хаан ай хиреде Бис ышкаш улус Бараалгаар чай шолээн чок боор" — Деп-тир эвеспе. 860 Оол тургаш "Хаан кижи чай чок, Ажыл база кылыр чуве бе, ирем?" — деп-тир. Ашак тургаш "Хаанның алдын даңгыназын алыр дээн, 865 Алдайның Алдын-Мөгезиниң Адыын көөр дээн, Он чүктүң он экерлери, Тос чүктүң тос экерлери чыылган. Ооң магазын көөр дээн 870 Хамык хайынган, дуп дувурээн Турар чуве болгай. Хамыкты хаан баштаан чуве диди, Ынчангаш хаан-даа чай чок боор ийин" — Деп-тир эвеспе аан. 875 Шыяан! Бора-Шээлей: "Андыг-дыр, ирем, Хаанның аалы Моон кайы хире ырагыл, кырган?" — дээрге: "Бо хемни куду бадып чыдарыңга, 880 Хөй малчыннар орууң аксында чуве. Ооң адаанда улуг сарыг ховунуң ортузунда Чуве" — деп-тнр.