Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Сүнезинимни өлүрген-дир сен!" — деп, Куу сөөгү куңгурткайнып 5345 Чыдып-тыр эвеспе аан. Арзылаң-Кара База-ла тепкиленип-дывылап, Маңнап чоруп берип-тир. Тос хемни, 5350 Тос арты ажа дүшкеш, Көрүп турарга, Арзылаң-Караның Каң-болат дуюунга Сөөк-даяк эстип-элеп төнүп калган, 5355 Бастынып-даа калган бооп-тур эвеспе аан. Арзылаң-Кара Аъдын мунгаш, Дедир келгештиң, Шулбунуң көгү-сүнези 5360 Чок кылдыр Кырып-даа каавыткаштың, Бодунуң кижи төрелгетенден төрүттүнген Ара-албатызын, Кырган ада-иезин 5365 Тергелеп-чуузалап алгаштың, Хараган дег малый Карарты сүргештиң, Хая дег эдин Халайты чүдүргеш, 5370 Шил-Даг, Шилен-Даг чуртундува Хунан-Кара Чоруп-ла берип-тир эвеспе аан. Дүнде дүн чок, Хүнде хүн чок 5375 Чоруп олуруп-турлар. Чер ортузу чедип чорааштың, Шил-Даг, Шилен-Даг чурту Узун-Назын даңгыназы-даа Сагыжынга кире берген чоруп олуруп-тур эвеспе аан. 5380 "Узун дургаар шыйган черимге Дүне-хүндүс чок чоруп олурар силер, Доора дургаар шыйган черимге Хонаттап чоруур силер" — дээштиң, Ара-албытызынга 5385 Хемчег-хуусаазын айтып бергештиң, Арзылаң-Кара аъды-биле Шил-Даг, Шилен-Даг чуртундува