Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Аараан-на чыдар бооп-тур. Дембээреп-даа чыдып-тыр эвеспе аан оң. 5300 Келир кежээ дунезинде Эжик аксынга Кара чаваа Кара дырбаш дээриниң аразында Арзылаң-Кара бооп тура душкен иргин ийин. 5305 Сарыг кидис хевенектиг Багай оол Хунан-Кара бооп, Арамактың Алдын шалбазын тудуп алгаш, 5310 Ужун сөөртүп, Кирип келгештиң, Хаанның мойнунга Үш ораай каккаш, Өлүг доонак-биле доңнай берген 5315 Туруп-тур эвеспе аан. "Бо чүнү эккелдиң, кулугур? Эчигей-ачыгай!" — деп Турган иргин ийин. "Харын-даа сээң мойнуңда 5320 Тос тыныңны Доозазын камгалаар Дошкун кара сыдым деп чүме-дир" — деп Турган иргин ийин. Доңнап кааш, 5325 Үне халаан ояар Арзылаң-Караны аъттангаштың, Алдын шалбазы-биле Төрепчилепкеш, Чаа-дайын кышкызын кышкырыпкаш, 5330 Чиге соңгу чүгүндүве-даа Ужудуп-халыдып чоруп-ла берип-тир. Чеди хемни кежир Тепкиленип маңнаарда, Арзылаң-Кара 5335 Тура душкен туруп-тур эвеспе аан. "Куу сөөк-даяа арткан Каттырган-иттирген Хунан-Кара, кулугур! Муң хуулгаазынны хуулгаар, 5340 Муң илбини илбиленир, кулугур, Авыяастап тургаштың, Хамык кудумну,