Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Кирип чоруй-ла барган туруп-тур эвеспе аан. Ол эртенинде 4940 Кода-хүрээниң иштинге Кижи-даа көөр аргажок, Кызытпа чазын Колдуктап алган, Сарыг кидис хевенектиг 4945 Амытан кылаштап чоруурга, Кода-хүрээниң мурнунда Карак четпес Сарыг ховуда Шулбунуң ара-албатызы 4950 Ийи-уш куржалы берген келгеш, Оон ам шулбу хааны-биле Ийи тала бооп алгаштыц, Баг адып, Адаан-оюн кыла берген-не 4955 Туруп-турлар эвеспе аан. Шулбунуң Кара-Көгел хаанының Талазы уттуруп турар, Бир талазы Удуп үнүп турар-ла бооп-тур. 4960 Согун дажыП-ла Маңнажып туруп-тур эвеспе аан. "Хунан-Караның Өкпе-хөрээн Өрттендир-хуюкталдыр адар" — 4965 Дижип турар бооп-тур. "Соңгу черден Арзылаң-Кара аъттыг Хунан-Кара келир чүме, Ооң өкпе-чүрээ 4970 Болзун!" — деп Баг адып, Чииңейндир ойнап туруп-турлар. "Хунан-Караның Өкпе-чүрээ 4975 Өрттензин!" — деп, Сарыг кидис хевенегин Сеглеңнеди дешкилеп, Согун дажып маңнап, Хүнзеп-даа турган иргин ийин. 4980 Даарта хүнүнде Шулбулар база-ла Баг ада бергеннер туруп-тур эвеспе аан.