Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

"Хонуувус келген-дир” — деп Ыглажып-сыктажы берген иргин ийин. 4805 Хунан-Кара Муң илбизи-биле илбиленип, Муң шидизи-биле шидиленип тургаштың, Карак-ла дываш дээриниң аразында Ирей, кадайны 4810 Билинместеди илбилепкепггиң, Кум ак ирттиң эъдин-даа Шыктыг шыктыын "Ирей, кадайга" — деп каап, Кадыг сөөгүн каккырып, 4815 Чымчак сөөгүн сиңмирип Орган иргин ийин. "Чоруу-ла чогузун, Мөрү-ла мөгейзин! Бо Кара-Көгел хаанның хайгыылчы 4820 Кара ийи кускун шулбузу-ла Билбес болза, Муң хойнуң аразынга Кирер эвес, Бис-ле билир болгай бис. 4825 Чаңгыс катап Хырнывыс тотту, Чоруу-ла чогузун Мөрү-ле мөгейзин!" — Дижип олуруп турлар. 4830 Сарыг кидис хевенээниң Курун чешкештиң, Хунан-Кара Ол чадырның дөрүнде Ооргалай берген чыдып-тыр эвеспе аан. 4835 Ооргалап удуп-оттуп чыдырда, Ирей-кадай Иткилежип, Угужуп олурар бооп-тур эвеспе аан. "Чажында Хунан-Караның 4840 Чарнының аразында Хунан кара инек дег Кара меңниг кижи-ле болгай, Бо чыткан Сарыг кидис хевенектиг оолдуң 4845 Чарнының аразында Кажык дег Кара меңни көрем" —