Тувинские героические сказания: Хунан-Кара. Боктуг-Кириш, Бора-Шэлей. - 1997. (Т. 12.)

Көрүп чортуп-даа олурган иргин ийин. Ол чоруп олурарга, 4670 Шулбунуң Кара-Көгел тайгазында Кода-хүрээзин Көрүп турарга, Кара-Көгел хаанның 4675 Туруг хая-биле бүткен Кирер эжии-даа чок, Кижи баар Арга чок турган иргин ийин. Хунан-Караның 4680 Даржы хөрек-чүрээ Дакпыжап-даа чоруур болу берип-тир. Муңгаравас боду Муңгарап, Деңгеревес боду 4685 Деңгереп чоруур болу берип-тир. Кода-хүрээниң Чиге-ле соңгу чүгүнде Шулбунуң Кара-Көгел хаанның Бак чүгүн 4690 Бак эжии-биле Эжиктедип, Коданда кирип-ле Келген туруп-тур эвеспе аан. Кода-хүрээниң мурнунда 4695 Сарыг шулбуларны көөрге, Көшкен булут-даа ышкаш, Чанган таан-даа ышкаш, Көжүгүп, хайныгып-ла турган иргин ийин. "Чүге мында турар чүме боор?" — дээштиң, 4700 Анча-мынча чортуп чоруурга-ла Ийи тала Баг каккан турган иргин ийин. Кода-хүрээниң ортузунга Кирип келген чоруп олуруп-тур. 4705 Карак-кулак четпес Улуг кажаа турган иргин ийин. Кара богбазын кажаа булуңунга Баглап турган иргин ийин. Баглап кааштың, шинчип көрүп турарга, 4710 Кажаа даштында Сарыг бөөдей чадырны Кыска доорбаш сүргү-биле туткан иргин.